مانگی رابوردوو ژمارەی سپاردن دراوه‌ته‌ 246 کتێب

هەواڵ / که‌لتور :: پێش 3 هەفتە ‌ :: 189‌ جار بینراوە
فۆتۆ: ئەرشیف

دوارۆژ، فەرمان رەشاد

بەشی سپاردن لە بەرێوەبەرایەتی گشتی کتێبخانە گشتییەکان رایدەگەیەنێت لە مانگی کانونی دووەمی ئەمساڵ ژمارەی سپاردن بە 246 کتێب دراوە.

لە راگەیەنراوێکدا کە ئەمرۆ سێشەممە 4ی شوباتی 2020 بڵاوکراوەتەوە، بەشی سپاردنی بەڕێوەبەرایەتی گشتی کتێبخانە گشتییەکانی هەرێم رایگەیاندووه‌: بۆ مانگی  كانونوی دووه‌می 2020، ژمارەی سپاردن بەخشراوە بە 246 کتێبی جۆراوجۆر لە هەموو بوارەکاندا، بەشێوەیەک کە 109 کتێبی لە سنووری شاری هەولێر و96 کتێب لە سلێمانی و دەوروبەری و41 کتێب لە شاری دهۆک".

لەبەشێکی دیكه‌ی راگەیەنراوەکە هاتووە "ئێستایش رۆژانە دەرگای بەرێوەبەرایەتی گشتی کتێبخانە گشتییەکان کراوەیە به‌ ڕووی هەموو نووسەران بۆ پێدانی ژمارەی سپاردن بە کتێبە نوێکانیان".

ساڵی 2019 بەڕێوەبەرایەتی گشتی کتێبخانە گشتییەکانی هەرێم ژمارەی سپاردنی بە 2832 کتێب بەخشیوە.

ئا: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure