دادگا بڕیاری كۆتایی لەسەر كەیسی ئامانج بابانی و لانە محەمەد داوە

هەواڵ / کوردستان :: پێش 4 هەفتە ‌ :: 8523‌ جار بینراوە

دواڕۆژ، پشتیوان جەمال

دادگای سلێمانی بڕیاری كۆتایی لەسەر كەیسی ئامانج بابانی و لانە محەمەد داوە كە ئەو رووداوە "خۆكوژی و ئامانج بابانی خۆی كوشتووە" و كەیسەكەش بەتەواوی داخرا.

سۆران عومەر، پەرلەمانتاری كۆمەڵی ئیسلامی لەپەرلەمانی كوردستان ئەمڕۆ 28ی كانوونی دووەمی 2020 لەفەیسبووكی خۆی نووسراوێكی بڵاوكردۆتەوە كە رۆژی 18ی مانگی رابردوو بنكەی پۆلیسی بۆ بۆ (دادوەری لێكۆڵینەوەی سلێمانی 2)ی ناردووە و بەپێی نووسینەكەی سۆران عومەریش دادگای لێكۆڵینەوەی سلێمانی بڕیاری داخستنی دۆسیەكەی داوە.

لەبەشێكی ئەو نووسراوەدا هاتووە: لەبەر رەوتی لێكۆڵینەوە و بەپێی بەدواداچوونی ئەم دادگایە بۆ رووداوەكە و سەرنجدان لەراپۆرتی توێكاری پزیشكی كۆچكردووان و سەرجەم راپۆرتەكانی نووسینكەی بەڵگە و تاوان، وەرگرتنی وتەی شایەت و سەرجەم وتەكانی داواكاران بەمافی كەسی كۆچكردووانە و سەرنجدان لەسەرجەم گرتە ڤیدیۆییەكەدا دەركەوت كە تۆمەتباری ئەم كەیسە (ئامانج محەمەد نوری)یە وە ناوبراو بەو پێیە تۆمەتبارە بەپێی ماددەی (406) لەیاسای سزادان وە تۆمەتباری ناوبراویش لەو رووداوەدا خۆی كوشتووە بۆیە بڕیارماندا بەداخستنی كێشەكە بەشێوەیەكی كۆتایی پاڵپشت بەئەحكامی ماددەی (300).

شەوی 16ی تشرینی یەكەمی 2019 لەڕووداوێكدا ئامانج بابانی و لانە محەمەدی هاوسەری و هامنۆی كوڕیان لەنزیك تێرمیناڵی شارەزوور لەشاری سلێمانی بەكوژراویی لەئوتومبیلەكەیان دۆزرانەوە، رووداوەكەش كاردانەوەی جیاوازی لێكەوتەوە.

 

پ: ک. س



created by Avesta Group and powered by Microsoft Azure

بەپەلە