ئامێدى: هەشت گه‌شتیار هاتنە رزگارکرن

هەواڵ / کوردستان :: پێش 4 هەفتە ‌ :: 455‌ جار بینراوە

دواڕۆژ، ره‌ڤه‌ند گوهه‌رزى

ئەڤرو(شه‌مبى 25ـێ كانوونا دووێ 2020) هەشت گەشتیار ل چیایێ گاروکی ل ناحیا سەرسنکێ سه‌ر به‌ قه‌زا ئامێدیێ هاتنه‌ رزگاركرن پشتى ب ترومبێلڤە دناڤا به‌فرێدا ئاستێ بووین .


ئه‌میر ئه‌ترۆشى، به‌رپرسێ راگه‌هاندنا رێڤه‌به‌ریا گشتى یا شاره‌وانیا دهۆك بۆ دواڕۆژ راگه‌هاند:" ئەڤرۆ هژمارەکا گەشتیارێن سنورێ پارێزگەها دهۆکێ ب مەرەما گەشت و گۆزارى قەستا چیایێ گاروکی ل سەرسنکێ کربوو، ژ به‌ر بارینا بەفرەکا زۆر ئاسێ ببوون".

گۆتژى:" تیمێن رامالینا بەفرێ یا باژێرڤانیا سەرسنکێ پشتی هەول و بزاڤەکا زۆر شیان خوە بگەهینن چیایی و وان گەشتیاران رزگار بکەن کو هەشت کەس بوون".

ئه‌میر گۆت ئه‌م داخوازێ ل هەمو گەشتیار و وەلاتیان دکەین کو بێ زاییاری قەستا جهێن مەترسی و بەفرین نەکەن داکو چوو کێشە بۆ وان دروست نەبن، دیسان هەر وەلاتیەک ژی پێدڤی ب هەڤکاریێ بیت دخوازین بلەز مە ئاگەهدار بکەن داکو بشێن وان بێ کێشە رزگار بکەین".



  • ڕۆژ
  • هەفتە
  • مانگ
created by Avesta Group and powered by Microsoft Azure