بەهۆی پەتای کۆرۆناوە سەرجەم گەشتەکان بۆ چین راگیران

هەواڵ / جیهان :: 25/01/2020‌ :: 481‌ جار بینراوە

دواڕۆژ

ئەمڕۆ 25ی کانونی دووەمی 2020 شی جین بینگ، سەرۆکی کۆماری چین رایگەیاند: پەتای کۆرۆنا زۆر مەترسیدارە و بەخێرایی بڵاودەبێتەوە.

وتەکانی سەرۆکی چین دوای کۆبونەوەیەک هات کە لەگەڵ لایەنە پەیوەندیدارەکان ئەنجامیدابوو بۆ رووبەڕووبوونەوەی پەتاکە.

هاوکات لە دوای وتەکانی سەرۆک، پەکین بڕیاریدا بە راگرتنی سەرجەم گەشتە بەکۆمەڵە رێکخراوەکانی هاتوو و رۆیشتوو بۆ چین، ئەوەش بەهۆی پەتاکەوەیە.

پەتای ڤایرۆسی کۆرۆنا وڵاتی چینی گرتووەتەوە و تائێستا بەهۆی پەتاکەوە 41 کەس گیانیان لەدەستداوە 1281 کەسیش تووش بوون.

ئا: چ.ع



created by Avesta Group and powered by Microsoft Azure