له‌ماوه‌ى سێ مانگدا 6 كرێكارى خۆرهه‌ڵات له‌ هه‌رێم بوونه‌ته‌ قوربانى

هەواڵ / کوردستان :: پێش 4 هەفتە ‌ :: 125‌ جار بینراوە

دواڕۆژ، بڕیار محەمەد

کرێکارێکی خەڵکی ئورمیە لە دهۆک بەهۆی رووداوی کارەوە گیانی لەدەستدا و به‌مه‌ش لە سێ مانگی رابوردوودا شه‌ش کرێکاری خه‌ڵكى خۆرهه‌ڵاتى كوردستان له‌ هه‌رێم گیانیان له‌ده‌ستداوه‌.

رێکخراوی مافی مرۆڤی هەنگاو بڵاویكرده‌وه‌: کرێکارێکی خه‌ڵكى ئورمیه‌ به‌ناوى (به‌همه‌ن ره‌حیم - تەمەن 39 ساڵ) لەکاتی کارکردن لە شاری دهۆک بەهۆی رووداوی کارەوە گیانی لەدەستداوە. 

به‌همه‌ن خێزاندارە و باوکی دوو منداڵ بووە.

هه‌ر به‌پێى زانیارییەکانی رێكخراوه‌كه‌ لەو رووداوەدا کرێکارێکی دیکەی خەڵکی ئورمیە بەناوی (مەسعود عەبدولڕەزاق- تەمەن 29 ساڵ) بە سەختی برینداربووە.

لە هەولێر-یش کرێکارێکی خەڵکی شاری پیرانشار بەناوی (حوسێن محەمەدی) بەهۆی بەربوونەوە لە بینایەک برینداربووە و ئێستا لەژێر چاودێریی پزیشکدایە.

رێكخراوه‌كه‌ روونیكردووه‌ته‌وه‌: بە پشتبەستن بە ئاماری تۆمارکراو لە ماوەی سێ مانگی رابوردوودا لانیکەم شه‌ش کرێکاری خەڵکی خۆرهەڵاتی کوردستان لە باشووری کوردستان بەهۆی رووداوی کارەوە گیانیان لەدەستداوە.

هه‌روه‌ك ناو و ناسنامه‌ى قوربانیانیشى بڵاوكردووه‌ته‌وه‌ كه‌ ئه‌مانه‌ن:

بەهمەن قادری، خەڵکی بۆکان کە لە هەولێر گیانی لەدەستداوە.

ئیرەج سەعیدی، خەڵکی ئورمیە کە لە سۆران گیانی لەدەستداوە.

هادی سەبووری، خەڵکی کامیاران کە لە سۆران گیانی لەدەستداوە.

محەمەد قازی ئیبراهیم، خەڵکی سەردەشت کە لە سلێمانی گیانی لەدەستداوە.

جەمشید ئیزدەی، خەڵکی مەریوان کە لە سۆران گیانی لەدەستداوە.

بەهمەن رەحیمى، خەڵکی ئورمیە کە لە دهۆک گیانی لەدەستداوە.

پ: شیروان شه‌ریف

بڵاوکردنەوە: چ.ع



created by Avesta Group and powered by Microsoft Azure