گه‌شتوگوزا زڤستانێ ل دهۆك ۲۰٪ زێده‌ بوویه‌

هەواڵ / ئابوری :: پێش 4 هەفتە ‌ :: 242‌ جار بینراوە

دواڕۆژ؛ بورهان یه‌حیا
گه‌شتیارناسه‌ك دیاركر كو  ره‌وشه‌نبیرییا گه‌شتوگوزارا زڤستانی پتر لێهاتییه‌ و ئه‌ڤه‌ ئێك ژ ئه‌گه‌رانه‌ كو گه‌شتوگوزا زڤستانێ ل دهۆك ۲۰٪ زێده‌ ببیت.


عه‌بدولره‌زاق نهێلی وه‌ك گه‌شتیارناسه‌ك بۆ دواڕۆژ خویاكر:" سه‌ره‌رایی كێماسیان د خزمه‌تگوزاریان دا گه‌شتیاریا زڤستانێ( winter tourism)د گه‌شه‌كرنێ دایه‌ ژبه‌ر سروشتێ جانێ كوردستانێ و  بارینا به‌فره‌كا زێده‌ ل زۆربه‌ی ده‌ڤه‌ران و بلندبوونا ره‌وشنبیریا گه‌شت و گوزاری ل ده‌ف وه‌لاتییان و ئاسانكاری و په‌یوه‌ندیێن  باش دناڤبه‌را كۆمپانی و بریكارێن گوزاری  و سازیێن په‌یوه‌ندیدار ب  كه‌رتێ گوزاری ڤه‌ بوویه‌ ئه‌گه‌ر كو سال بۆ سالێ رێژه‌یا گه‌شتیاریا زڤستانێ گه‌شه‌یێ بكه‌ت".

ناڤبۆری خویاكر:" ب تایبه‌ت د سالا 2019-2020 رێژه‌یه‌كا به‌رچاڤ یا گه‌شتیاران سه‌ره‌دانا جھێن گوزاری یێن جودا كرینه‌ كو به‌راورد دگه‌ل سالا 2018 ب رێژه‌یا 20 % زێده‌ بوویه‌ و ئه‌ڤ چه‌نده‌ ژ لایێ ئابووریڤه‌  جهێ دلخۆشیێ یه‌".
ئاماژه‌كر:" سه‌ره‌رای ڤێ چه‌ندێ كێماسی د خزمه‌ت گوزاریان دا  هه‌یه‌ و گه‌شتیار هیڤیخوازن باشتر چاڤ ل ڤی كه‌رتی بھێته‌كرن".



  • ڕۆژ
  • هەفتە
  • مانگ
created by Avesta Group and powered by Microsoft Azure