ته‌مه‌ن و ده‌مێ له‌شكه‌ریا نه‌چار بۆ گه‌نجێن كورد هات دیاركرن

هەواڵ / کوردستان :: 24/01/2020‌ :: 178‌ جار بینراوە

دواڕۆژ، دهۆك
رێڤه‌به‌ریا خوه‌سه‌ر ل باكورو رۆژهه‌لاتێ سوریایێ، ته‌مه‌ن و ده‌مێ له‌شكه‌ریا نه‌چار بۆ گه‌نجان دیاركر.

 
لگۆر نڤیساره‌كا ده‌سته‌یا جێبه‌جێكار- نڤێسینگه‌ها به‌ره‌ڤانیێ سه‌ر ب رێڤه‌به‌ریا خوه‌سه‌ر، ل باكور و رۆژهه‌لاتێ سوریایێ، گه‌نجێن دایكبوویێن 1-1-1990، نه‌چارن ئه‌ركێ له‌شكه‌ریێ پێكبینن.

به‌رى ڤێ بڕیارا رێڤه‌به‌ریا خوه‌سه‌ر گه‌نجێن ژ دایكبوویێن سالێن 1989-1988، له‌شكه‌ریا نه‌چار دكرن، لێ پشتى ڤێ بڕیارێ ژدایكبوویێن وان سالان له‌شكه‌ریێ ناكه‌ن.

ئه‌ڤ بڕیارا رڤبه‌ریا خوه‌سه‌ر، وان كه‌سان ل خوه‌ ناگریت یێن نووكه‌ د ئه‌ر‌كێ پاراستنێ دا كو جێبه‌جێكرنا وێ ژ 22 ڤێ مه‌هێ ده‌ستپێكریه‌.

لدۆر ڤێ بڕیارێ فه‌رهاد جه‌رگۆ، ژناڤه‌ندا راگه‌هاندنا هێزێن سوریا دیموكرات بۆ دواڕۆژ گۆت:"ئه‌ڤ بڕیارا رێڤه‌به‌ریا خوه‌سه‌ر هه‌موو گه‌نجێن باكور و رۆژهه‌لاتێ سوریایێ ژ كورد و عه‌ره‌بان ب خوه‌ڤه‌دگریت".

لدووڤ سیسته‌مێ رێڤه‌به‌ریا خوه‌سه‌ر، هه‌ر ژ سالا 2014-ێ تا نووكه‌، ل باكور و رۆژهه‌لاتێ سوریایێ، پێدڤییه‌ هه‌مووگه‌نجه‌ك لدووڤ رێنوومایان له‌شكه‌ریێ بكه‌ت.



created by Avesta Group and powered by Microsoft Azure