باله‌فڕێن تركیا دوو جاران گونده‌كێ دهۆك بۆردۆمانكرن

هەواڵ / کوردستان :: پێش 4 هەفتە ‌ :: 409‌ جار بینراوە

دواڕۆژ، دهۆك
باله‌فڕێن تركیا 24 ده‌مژمێرێن ده‌ر‌بازبوویی، 2 جاران هیرش كرینه‌ سه‌ر گوندێ كێسته‌ ل ده‌ڤه‌را به‌روارى بالا، دئه‌نجامدا زرار گه‌هشتینه‌ نه‌خوه‌شخانه‌یا گوندى و چه‌ندین خانوویان.

كۆڤان كێسته‌یی، وه‌لاتیێ گوندێ كێسته‌ بۆ دواڕۆژ گۆت:"با‌له‌فڕێن تركیا هێرشێن كرینه‌ سه‌رناڤه‌ندا گوندى و د ئه‌نجامدا گه‌له‌ك زرار گه‌هشتن ده‌رگه‌هـ و په‌نجه‌رێن نه‌خوه‌شخانێ".

ناڤبۆرى گۆت ژى:"ژبه‌ر وان هێرشێن تركیا، گه‌له‌ك خانوویان و مالان زرار گه‌هشتیێ، دهه‌مان ده‌مدا ترسه‌كا مه‌زن ل جه‌م وه‌لاتیان چێبوو، چنكو جارا ئێكێیه‌ ب ڤى ره‌نگى هێرشێن تركیا ل گوندێ كێسته‌ دهێنه‌ ئه‌نجامدان".

كێسته‌یى زه‌لالكر:"به‌هانه‌یا هێرشێن تركیا بۆ سه‌ر گوندێ كێسته‌ ئه‌ڤه‌؛ گه‌ریلایێن پارتیا كاركه‌رێن كوردستانێ درێیا گوندێ كێسته دا‌ هاتنوچوونا باكور و باشوورێ كوردستانێ دكه‌ن".

نووكه‌ نێزیكى 25 خێزانان ل گوندێ كێسته‌ دژین كو دكه‌ڤیته‌ ده‌ڤه‌را به‌روارى بالا سه‌ر ب قه‌زا ئامێدیێ ڤه‌.



created by Avesta Group and powered by Microsoft Azure