پێکهاتەکانی دەشتی نەینەوا لە هەولێر گردبوونەوە

هەواڵ / کوردستان :: 22/01/2020‌ :: 222‌ جار بینراوە

دواڕۆژ، ئاراس عەزیز


پێکهاتەکانی دەشتی نەینەوا لەبەردەم بارەگای نەتەوە یەکگرتووەکان لە هەولێر گردبوونەوە و دەڵێن لەلایەن میلیشیاکان و هێزەکانی حەشدی شەعبی دەچەوسێندرێنەوە و مەترسی لەسەر ژیان و ماڵیان درووستبووە.


پێکهاتەکانی دەشتی نەینەوا (ئەمڕۆ چوارشەممە 22ی کانوونی دووەمی 2020) لەبەردەم بارەگای نەتەوە یەکگرتووەکان لەهەولێر گردبوونەوە داوای پاراستنی سەروماڵیان دەکەن لە ناوچەکەدا.

ئەیاد کاکەیی پارێزەری کەیسەکە بەداوڕۆژی ڕاگەیاند "ئەوانەی لێرە گردبوونەتەوە ژمارەیەک لە پێکهاتەکانی دەشتی نەینەوان و لایەن چەکدارانی حەشدی شەعبی مەترسی  لەسەر ژیانیان دروستبووە".

وتیشی: "دەمانەوێت لەڕێگەی نەتەوە یەکگرتووەکان و حکومەتی هەرێم و بةغداوة هەوڵی لادانی حەشدی شەعبی لەناوچەکە بدەین و خەڵک بگەڕێنەوە شوێنەکانیان کەئیستا لەبەر مەترسی و نائارامی لە شوێنەکانیان، ناتوانن بگەڕێنەوە".

پێکهاتەکان دەشڵێن: "مەترسی زۆرمان لەسەرە و زەوییەکانمان لەلایەن ئەو هێزانەوە داگیرکراون، بۆیە دەمانەوێت بەهەوڵی لایەنە پەیوەندیدارەکان دووبارە سەقامگیری بۆ ناوچەکە بگەڕێتەوە."



created by Avesta Group and powered by Microsoft Azure