لەم ناوچەیە دابەشكردنی نەوتی سپی بەسەر هاوڵاتیاندا دەستپێدەكات

هەواڵ / کوردستان :: 22/01/2020‌ :: 2389‌ جار بینراوە

دواڕۆژ، عەلی حەمە سەعید


وابڕیارە ئەمڕۆ چوارشەممە دابەشكردنی بڕی 216 لیتر نەوتی سپی بۆ هەر خێزانێكی سنوری ناحیەی خورماڵی سەر بەپارێزگای هەڵەبجە دەستپێبكات.

ئەمڕۆش پڕۆسەكە لە گوندەكانەوە دەستپێدەكات و ڕۆژانی داهاتووش لە سەنتەری ناحیەی خورماڵ دابەشكردنی نەوت بەردەوامی دەبێت و داوایەكیش لە هاوڵاتیان دەكەن.

بەگوێرەی ڕاگەیەنراوێكی بەڕێوەبەرایەتی ناحیەی خورماڵ كە وێنەیەكیان بۆ دواڕۆژ ناردووە، ئاماژە بەوەكراوە، ئاگاداری هاوڵاتیانی سنوری ناحییەی خورماڵ دەكەینەوە كە ئەمڕۆ چوار شەممە 22/1/2020 دەست بە دابەشكردنی نەوتی سپی دەكرێت لە سنورەكەدا، بۆ ئەو مەبەستەش لە سەرەتادا پرۆسەكە لە گوندەكانەوە دەستپێدەكات و پاشان لە ڕۆژانی داهاتوودا لەسەنتەری ناحیە دابەشكردنی نەوت بەردەوامی دەبێت.

ئاماژە بەوەشكراوە، هەر خێزانێك بڕی 216 لیتر نەوتی پێدەدرێت، بۆ ئەو مەبەستەش دەبێت كارتی پلاستیكی نەوت و كۆپی ناسنامە و كارتی زانیاری ڕادەستی لیژنەی دابەشكردنی نەوت بكەن، هاوكات تەنها نەوت بە و هاوڵاتیانە دەدرێت كە بریكارەكانی خۆراكیان كۆدی ناحیەی خورماڵی بەسەرەوەیە و هاوڵاتیانی شوێنەكانی دیكە ناتوانن نەوت وەربگرن.



created by Avesta Group and powered by Microsoft Azure