هاتنا په‌زی ل سنووره‌كێ هه‌رێما كوردستانێ هات قه‌ده‌غه‌كرن

هەواڵ / ئابوری :: پێش 4 هەفتە ‌ :: 296‌ جار بینراوە

دواڕۆژ، دهۆك


ده‌سته‌یا ئابوری ل رێڤه‌به‌ریا خوه‌سه‌ر ل باكور و رۆژهه‌لاتێ سوریایێ، بڕیاردا فرۆتنا په‌زی بۆ باشورێ كوردستانێ قه‌ده‌غه‌ بكه‌ت.

 
دلشاد ره‌شۆ، ژ ده‌سته‌یا ئابوری یا كانتۆنا جزیرێ بۆ دواڕۆژ گۆت:"ده‌سته‌یا ئابوری بڕیاردا په‌زێ رۆژئاڤایێ باكور و رۆژهه‌لاتی سوریایێ ب رێیا ده‌رگه‌هێ سێمالكا نه‌چیته‌ باشورێ كوردستانێ".

ناڤبۆری خوه‌یاكر:"ژبه‌ر بلندبوونا بهایێ گۆشتێ په‌زی ل رۆژئاڤایێ كوردستانێ كو بهایێ ئێك كیلۆیا گۆشتی گه‌هشتییه‌ 8 دولاران، ده‌سته‌یێ بڕیار‌دا په‌ز ل رۆژئاڤایێ كوردستانێ بهێته‌ فرۆتن و ئه‌رزان ببیت".
زه‌لالكر:"هه‌ر بازرگانه‌كێ رۆژئاڤایێ كوردستانێ ب قاچاخی یان هه‌ر هه‌وله‌كادی بۆ ده‌ر‌بازكرنا په‌زی بۆ باشورێ كوردستانێ بكه‌ت، هێزێن ئاسایشێ دێ گرن و راده‌ستی دادگه‌هێ كه‌ن".
ده‌رباره‌ی كارڤه‌دانێن ڤێ بڕیارێ، ره‌شۆ ئینازمان:"گه‌له‌ك بازرگانێن رۆژئاڤا ژ ڤێ بڕیارێ نه‌رازینه‌، چنكو په‌زێ خوه‌ ل باشورێ كوردستانێ ب به‌هایه‌كێ باش دفرۆت، لێ ئه‌م دبه‌رژه‌وه‌ندیا گشتیدا دبینین ڤێ قۆناغێدا په‌ز نه‌چیته‌ باشورێ كوردستانێ".
لدووڤ زانیاریێن دواڕۆژ؛ سالانه،‌ پیدڤییا دهۆك ب نێزیكی 17 هزار ته‌نێن گۆشتێ سور هه‌یه‌، به‌رهه‌مێ ناڤخوه‌ یێ گۆشتێ سور سالانه‌ 8500 ته‌نێن گۆشتینه‌.

پ: ک. س



created by Avesta Group and powered by Microsoft Azure