دهۆك: نێچیرا ناڤ به‌فرێ هاتییه‌ كۆنترۆلكرن

هەواڵ / کوردستان :: پێش 4 هەفتە ‌ :: 102‌ جار بینراوە

دواڕۆژ، ره‌ڤه‌ند گوهه‌رزى

به‌رپرسه‌كێ ژینگه‌هێ ل پارێزگه‌ها دهۆك راگه‌هاند: به‌راورد دگه‌ل سالێن ده‌ربازبوویی، ئه‌ڤ ساله‌، نێچیرا ناڤ به‌فرێ هاتییه‌ كۆنترۆلكرن.

مقه‌ده‌م سیهامه‌ددین عه‌لى، به‌رپرسێ راگه‌هاندنا پێشمه‌رگه‌یێن پاراستنا ژینگه‌هێ بۆ دواڕۆژ گۆت: "تیمێن وان یێن چاڤدێریێ و دووڤچوونێ، ل وه‌زرێ سه‌رمایا ئه‌ڤ ساله،‌ بتایبه‌ت ل جهێن به‌فرین، رێگرى ل هه‌موو نێچیرڤانێن بالنده‌ و ئاژه‌لێن كووڤى كرییه‌".

سیهامه‌ددین عه‌لى، دازانین: "‌به‌رده‌وام 12 تیمێن وان ل ده‌ڤه‌رێن زاخۆ و ئامێدى و ئاكرێ دووڤچوونا نێچیرڤانان دكه‌ن، له‌ورا ل به‌فربارینێن ئه‌ڤ ساله،‌ چۆ نێچیرڤان نه‌شییاینه‌ سه‌رپێچییان بكه‌ن و بچن نێچیرا ئاژه‌لێن كووڤى".

ده‌ر‌باره‌ى چاڤدێریكرنا ده‌ڤه‌رێن سنوورێ ئامێدیێ و زاخۆ، به‌رپرسێ راگه‌هاندنا پێشمه‌رگه‌یێن پاراستنا ژینگه‌هێ ئاماژه‌كر: "ل ده‌ڤه‌رێن سنوورى نێچیرڤان نه‌شێن بچنێ، چنكو به‌رده‌وام باله‌فڕێن تركیا هێرشى وان ده‌ڤه‌ران دكه‌ن".

لدۆر ره‌وشا زێده‌بوونا ئاژه‌ل و بالنده‌یێن كووڤى ل سنوورێ پارێزگه‌ها دهۆك، خوه‌یاكر: "ل ده‌ڤه‌رێن شێلادزێ و نێره‌و رێكان، په‌زكووڤى ب ره‌نگه‌كێ به‌رچاڤ زێده‌بووینه‌ و ل ده‌ڤه‌رێن شه‌رانش و ده‌شته‌ ته‌خێ و ده‌ڤه‌رێن چییایى یێن زاخۆ، كه‌و ب ره‌نگه‌كێ باش زێده‌بووینه‌".

پ: چ.ع



created by Avesta Group and powered by Microsoft Azure