ڕێگای دەروازەی حاجی ئۆمەران داخرا

هەواڵ / کوردستان :: 19/01/2020‌ :: 225‌ جار بینراوە

دوارۆژ، ئاکۆ حەمەد رابی


ئەمڕۆ یەکشەممە 19ی کانونی دووەم ڕێگای دەروازەی نێودەوڵەتی حاجی ئۆمەران بەهۆی بارینی بەفرێکی زۆرەوە داخراوە.

سیروان حسێن بەرپرسی راگەیاندن و پەیوەندییەکانی دەروازەی نێودەوڵەتی حاجی ئۆمەران بەدواڕۆژی ڕاگەیاند "لەسنوری ناحیەی حاجی ئۆمەران زیاتر لە نیو مەتر بەفر باریوەو بەوهۆیەوەش ڕێگای دەروازەی حاجی ئۆمەران داخراوەو هاتوچۆی بازرگانی و گەشتیاریی وەستاوەو پەکی کەوتووە".

ئاماژەی بەوەشدا کە تیمەکانی بەفر ڕاماڵین سەڕقاڵی پاککردنەوەی ڕێگاکە و ڕاماڵینی بەفرن و پێدەچێت لە چەند کاتژمێری داهاتوو ڕێگاکە بکرێتەوە.

لە سنوری پارێزگای هەولێر دەروازەی نێو دەوڵەتی حاجی ئۆمەران، تاکە دەروازەی فەرمییە کە ئێران و هەرێمی کوردستان پێکەوە دەبەستێتەوە.



  • ڕۆژ
  • هەفتە
  • مانگ
created by Avesta Group and powered by Microsoft Azure