فلمێ "تۆرن" خه‌لاته‌كێ نێڤده‌وله‌تى وه‌رگرت

هەواڵ / که‌لتور :: 18/01/2020‌ :: 172‌ جار بینراوە

دواڕۆژ، بورهان یه‌حیا

فلمێ "تۆرن" ژ ده‌رهێنانا نه‌وزاد شێخانى كوردێ ئێزدى د به‌شدارییا خۆ دا ل فه‌ستیڤاله‌كا نێڤده‌وله‌تى ل وه‌لاتێ شیلى شیا خه‌لاتێ باشترین فلم بده‌ستخۆڤه‌ بینیت.

نه‌وزاد شێخانى ده‌رهێنه‌رێ فلمێ "تۆرن" بۆ دواڕۆژ دیاركر: "فلمێ "تۆرن" شیای ل فه‌ستیڤالا سه‌نتیاگۆ بۆ فلمێ سه‌ربه‌خۆ ل وه‌لاتێ شیلى ل به‌شێ فلمێ چیرۆكێن درێژ وه‌كو باشترین فلم بهێته‌ ده‌ستنیشانكرن و خه‌لاتێ سه‌ره‌كى وه‌رگریت".

ناڤبۆرى دیاركر: "دیسا ل مه‌هێن بهێت ژى ب شێوه‌یه‌كێ فه‌رمى دێده‌ست ب په‌خشكرنا فلمێ "تۆرن" ل سینه‌مایێن وه‌لاتێ ئه‌لمانیا ب تایبه‌ت باژێڕێ كۆلن هێته‌كرن و پێشبینى دهێته‌كرن پێشوازییه‌كا گه‌رم لێ بهێته‌كرن چونكو چه‌ندین خه‌لاتێن نێڤده‌وله‌تى وه‌رگرتینه‌ و خه‌لك ل چاڤه‌رێى دیتنا وێنه‌".

فلمێ "تۆرن" ژ ده‌رهێنانا نه‌وزاد شێخانى كوردێ ئێزدى به‌حس ل چیرۆكا دوو كه‌سان دكه‌ت كو پشتى فه‌رمانا 2014ێ تووشى چه‌ندین كێشه‌ و ئاسته‌نگێن مه‌زن دبن.

پ: چ.ع



created by Avesta Group and powered by Microsoft Azure