بڕیارێکی نوێ لە وەزارەتی پەروەردەی هەرێمەوە

هەواڵ / کوردستانی :: 17/01/2020‌ :: 24810‌ جار بینراوە

تاگ :: پەروەردە

دواڕۆژ، پشتیوان جەمال

وەزارەتی پەروەردەی حكومەتی هەرێمی كوردستان بڕیاریدا بەدرێژكردنەوەی داخڵكردنی داتای قوتابخانە و میلاكات بۆ بەرواری 9ی شوباتی 2020.


خۆگر خالید، بەڕێوەبەری بەشی پلان لەبەڕێوەبەرایەتی گشتی پەروەردەی سلێمانی (ئەمڕۆ هه‌ینى 17ی كانوونی دووەمی 2020) بە دواڕۆژی راگەیاند: بەمەبەستی پێدانی كاتی زیاتر بە قوتابخانەكان بۆ تۆماركردنی زانیاریەكانیان بۆ سەر سیستەمی (e-Parwarda) بۆ داخڵكردنی داتای قوتابخانە و میلاكات، لەسەر داوای زۆربەی قوتابخانەكان و راهێنەرانی پەروەردەی قەزاكان و لیژنەكانی سیستەمەكە لە پەروەردەی گشتی پارێزگاكان، وەزارەت بڕیارێكی نوێی دەركرد.

ناوبراو ئاماژەی بەوەشكرد: لیژنەی e-Parwarda لە وەزارەتی پەروەردە بڕیاریدا بە درێژكردنەوەی ماوەی تۆماركردنی سیستەمی e-Parwarda تا بەرواری 9ی شوباتی 2020، كە ئەو بەروارە بۆ كۆتا جارە ماوەكەی درێژدەكرێتەوە، لە دوای ئەم رێكەوتەوە بەڕێوەبەری قوتابخانە بەرپرسیار دەبێت بەرامبەر هەر كەموكوڕییەك لە تۆماركردنی زانیارییەكانیان.

پ: ر. ف

 



  • ڕۆژ
  • هەفتە
  • مانگ
created by Avesta Group and powered by Microsoft Azure