گردبوونەوەی ناڕەزایی دژی خانەنشینی پلەباڵا بەڕێوەچوو

هەواڵ / کوردستان :: پێش 1 هەفتە ‌ :: 218‌ جار بینراوە

دواڕۆژ، پشتیوان جەمال

ژمارەیەک  مامۆستاو فەرمانبەر داوای نەهێشتنی خانەنشینی پلە باڵاکان دەکەن و داواکارن بۆ خانەنشینبوون چەند مەرجێک لەبەرچاو بگیرێت.

سەرلەبەیانی ئەمڕۆ ژمارەیەک مامۆستا و فەرمانبەری ناڕازی لەبەردەم نووسینگەی سلێمانی پەرلەمانی کوردستان گردبوونەوەیەکی ناڕەزاییان ئەنجامدا دڵشاد بابانی، یەکێک لەو مامۆستا ناڕازییانە رایگەیاند: داوای هەموارکردنەوەی یاسای مووچە بەتایبەت پلە باڵاکان دەکەن بەمەبەستی بەدیهێنانی دادپەروەری و نەهێشتنی چینایەتی تا لە کاتی خانەنشینبووندا زۆرترین مووچە سێ ملیۆن تێپەڕ نەکات و کەمترین مووچەش ٥٠٠ هەزار بێت.

ناوبراو ئاماژەی بەوەکرد:  هەروەها هەڵوەشانەوەی خانەنشینی نایاسایی و پلە باڵاکان و دانانی پێوەری گونجاو بۆ خانەشینی وەک مەرجی بڕوانامە و تەمەن ٤٥ ساڵ و خزمەت ۱٥ ساڵ کەمتر نەبێت، گەڕانەوەی پلە باڵاکان پاش تەواوبوونی ئەرکەکانیان بۆ سەر پیشەی پێشوویان ئەگەر فەرمانبەری دەوڵەت بوون، 
گەڕانەوەی پاشەکەوتی مووچە و کردنەوەی حساب بانکی بۆ ئەوەی فەرمانبەران بەکاری بێنن بۆ دانەوەی قەرزەکانیان.

پەرلەمانی کوردستان لە دوو رۆژی رابردوودا دانیشتنی بۆ پڕۆژە یاسای چاکسازی کرد کە ماددەیەکیان تایبەتە بە خانەنشینی پلە باڵا.

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure