دوو سەربازی تورکیا کوژران

هەواڵ / جیهان :: 13/01/2020‌ :: 197‌ جار بینراوە

دواڕۆژ، ره‌ڤه‌ند گوهه‌رزى

هێزەکانی رزگاری عەفرین رایانگەیاند: لە ئەنجامی چالاکی شەڕڤانانیان دوو سەربازی سوپای تورکیا کوژران.

لە راگەیەندراوێكدا هێزەکانی رزگاری عەفرین کە ئه‌مڕۆ یه‌كشه‌ممه‌ 12ى كانوونى دووه‌مى 2020 بڵاویان کردووەتەوە، هاتووە: "هێزەکانمان له‌ دژی بارەگایەکی سەربازی سوپای تورکیا لە دەوروبەری گوندی باسوفانێ لە ناوچەی شێراوا  چالاکیان ئەنجامدا".

ئه‌وەش هاتووه‌: "لەو چالاکییەى شه‌ڕڤاناندا دوو سەربازى سوپاى توركیا کوژران و پێنجی دیكه‌ش برینداربوون".

ئاماژه‌ به‌وه‌شكراوه‌: شه‌ڕڤانانى هێزەکانى رزگاری عه‌فرین لە دەوروبەری گوندی مەریەمین لە ناوچەی شەرا چالاكیان له‌ دژی بارەگایەکی دیکەی سوپای تورکیا ئەنجامدا و دواتر سوپای تورکیا و چەتەکانیان گوندى (باشەمرێ، سۆخانکێ، شەوارخ، تنب، مالکیە و مەرەناز)یان تۆپباران کرد.

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure