گرۆپه‌كێ چه‌كدار 11 كورد ره‌ڤاندن

هەواڵ / کوردستان :: 12/01/2020‌ :: 263‌ جار بینراوە

دواڕۆژ، دهۆك

گرۆپه‌كێ چه‌كدار ل باژارێ عه‌فرین،11 كورد ل گوندێ گۆرگان ره‌ڤاند كو 3 ژوان ژنن.

ئیبراهیم عه‌فرینى، به‌رده‌ڤكێ ‌رێكخراوا مافێن مرۆڤى ل عه‌فرین بۆ دواڕۆژ گۆت: "ئه‌ڤرۆ ئێكشه‌مبى 12-ێ كانوونا دووێ 2020، چه‌كدارێن گرۆپێ (محه‌مه‌د ئه‌لفاتح)  ب سه‌ر گوندێ گۆرگان دا گرتن و 11 سڤیلێن وى گوندى گرتن كو 3 ژنێن ب ته‌مه‌ن دناڤدانه‌".

عه‌فرینى گۆتژى: "ئه‌و ژنێن، هاتینه‌ گرتن ئه‌ڤه‌ بوون؛ (خه‌دیجه‌ حه‌سه‌ن، خه‌دیجه‌ محه‌مه‌د، ئامینه‌ نامى گه‌لۆ) و بۆ جهه‌كێ نه‌دیار هاتینه‌ ره‌ڤاندن".

ناڤبۆرى دازانین: "چه‌كداران كه‌سوكارێن وان وه‌لاتیان ئاگه‌هداركرینه‌ كو ئه‌گه‌ر ئه‌و پاران نه‌ده‌ن وان، گرتیێن وان ئازاد ناكه‌ن".

ده‌رباره‌ى داوى زانیارێن لدۆر گرتیێن عه‌فرین، یێن له‌شكه‌رێ تركیا و گرۆپێن گرێدای تركیا ژ عه‌فرین ره‌ڤاندین‌،‌ عه‌فرینى ئینازمان: "هه‌تا نووكه‌، زێده‌تر ژ 2000 كه‌سێن سڤیل ل باژارێ عه‌فرین هاتینه‌ ره‌ڤاندن و چاره‌نڤیسێ گه‌له‌ك ژوان نه‌دیاره‌".

باژارێ عه‌فرین ل رۆژئاڤایێ كوردستانێ، ژ ئادارا 2018-ێ ژ ئالیێ له‌شكه‌رێ تركیا و گرۆپێن تیرۆرستى یێن سه‌ر ب تركیا هاتییه‌ داگیركرن.

پ: چ.ع



created by Avesta Group and powered by Microsoft Azure