کۆمەڵێک شوێنەواری دزراو لەکەرکوک دەستی بەسەردا گیرا

هەواڵ / کوردستان :: 12/01/2020‌ :: 180‌ جار بینراوە

دواڕۆژ، عیماد جەباری

هێزە ئەمنییەکانی کەرکوک باندێکیان دەستگیرکرد کە تایبەتمەند بوون لەدزینی شوێنەوار.


فەریق روکن سەعد حەربیە فەرماندەی ئۆپراسیۆنە هاوبەشەکانی عێراق رۆژی شەممە ١١ی کانونی دووەم بەدواڕۆژی راگەیاند "لەسەر زانیاری وردی هەواڵگری توانراوە سێ کەس دەستگیر بکرێن کە ٣٨ پارچە شوێنەواری دزراویان پێبووە".

راشیگەیاندووە "ئەو پارچە شوێنەوارانەی دەستیان بەسەرداگیراوە، بەشێکن لە شوێنەوارە دزراوەکانی پارێزگای نەینەوا".

ئاماژەی بۆ ئەوەشکردووە کە دەستگیر کراوەکان بەپێی مادەی ٤ی یاسای شوێنەوار لەلایەن دادوەری لێکۆڵینەوەی کاروباری ئاسایشی کەرکوکەوە بەندکراون.

ساڵی ٢٠١٤ دوای ئەوەی چەکدارانی داعش شاری موسڵیان داگیرکرد، یەکەم هەنگاویان خاپورکردنی شوێنەوارەکانی پارێزگاکەبوو، کە بەشێکیشی دزراوە.



created by Avesta Group and powered by Microsoft Azure