سەرکردایەتییەکی یەکێتی زانیاری لەبارەی سەردانەکەی عادل عەبدولمەهدی ئاشکرا دەکات

هەواڵ / کوردستان :: 11/01/2020‌ :: 2148‌ جار بینراوە

دواڕۆژ

پاشنیوەڕۆی ئەمڕۆ 11ی کانونی دووەمی 2020 عادل عەبدولمەهدی، سەرۆک وەزیرانی دەستلەکارکێشاوەی عێراق سەردانی شاری سلێمانی کرد و لەماڵی کۆسرەت رەسوڵ لەگەڵ بەرپرسانی یەکێتی کۆبووەوە.


مستەفا چاوڕەش، ئەندامی ئەنجومەنی گشتی سەرکردایەتی یەکێتیی نیشتمانیی کوردستان بە دواڕۆژی راگەیاند: لەسەرەتای بەخێرهاتن تا بەڕێکردنیش ئامادە بووم کە عادل عەبدولمەهدی سەردانی کردووین، سەردانەکەش تەشریفاتی بووە و بۆ باسکردن لە دۆخی ناوچەکە و پتەوکردنەوەی پەیوەندییەکان بووە.

باسی لەوەشکرد: عادل عەبدولمەهدی لە سەردانەکەیدا باسی لە جارێکی تر دانانەوەی بۆ پۆستی سەرۆک وەزیران نەکرد.

ئەم سەردانەی عادل عەبدولمەهدی بۆ لای بەرپرسانی یەکێتی دوای ئەوە دێت کە پێشنیوەڕۆی ئەمڕۆ سەردانی هەولێری کرد و لەگەڵ ئەنجومەنی وەزیران، نێچیرڤان بارزانی، سەرۆکی هەرێم و مەسعود بارزانی، سەرۆکی پارتی دیموکراتی کوردستان کۆبووەوە.

ئا: چ.ع



created by Avesta Group and powered by Microsoft Azure