پۆلیسی سلێمانی زیاتر لە نۆ هەزار تۆمەتباری دەستگیر كردووە

هەواڵ / کوردستان :: 08/01/2020‌ :: 163‌ جار بینراوە

دواڕۆژ، پشتیوان جەمال

پۆلیسی سلێمانی رایدەگەیەنێت، ساڵی رابردوو توانیویانە زیاتر لە نۆ هەزار تۆمەتبار دەستگیر بكەن و رادەستی دادگاكانیان بكەن، بەڵام تاوانەكانی خراپ بەكارهێنانی ئامێرەكانی پەیوەندی لەبەرزبوونەوەدایە.


ئەمڕۆ 8ی كانوونی دووەمی 2020 نەقیب سەركەوت ئەحمەد، بەڕێوەبەری راگەیاندن و پەیوەندییەكانی پۆلیسی سلێمانی لەكۆنگرەیەكی رۆژنامەوانیدا ئاماری ساڵی رابردوویانی ئاشكراكرد كە توانیویانە 9 هەزار و 648 تۆمەتبار دەستگیر بكەن، ئاماژەی بەوەشكرد: لەساڵی رابردوودا لەسەر خراپ بەكارهێنانی ئامێرەكانی پەیوەندی 642 تۆمەتبار دەستگیركراون، لەكاتێكدا ساڵی 2018 ئەو ئامارە 494 تۆمەتبار بووە.

ئەمەش ئاماری هەردوو ساڵی پۆلیسی سلێمانییە بۆ رووداوەكان:

ساڵی 2019 (كوشتن بەئەنقەست 56، خۆكوشتن 55، هەوڵی خۆكوشتن 210، لێدان بەئەنقەست 1905، خۆسووتاندن 27، هەڕەشەكردن 1318، دزی تاوانی قورس 289، ناپاكی لەئەمانەت 219، فێڵكردن 841، سواڵكردن 40، قوماركردن 151).

ساڵی 2018 (كوشتن بەئەنقەست 68، خۆكوشتن 66، هەوڵی خۆكوشتن 294، لێدان بەئەنقەست 1785، خۆسووتاندن 28، هەڕەشەكردن 1306، دزی تاوانی قورس 295، ناپاكی لەئەمانەت 195، فێڵكردن 747، سواڵكردن 58، قوماركردن 117).



created by Avesta Group and powered by Microsoft Azure