کێشەکانی خوێندنی کوردی له‌ كه‌ركوك بەچارەسەرنەکراوی ماونەتەوە

هەواڵ / کوردستان :: 05/01/2020‌ :: 142‌ جار بینراوە

دواڕۆژ، یوسف موڕاد

بەشی خوێندنی کوردی لە بەڕێوەبەرایەتی پەروەردەی کەرکوک، لەئێستادا زیاتر لە 100 هەزار خوێندکاری لە قۆناغەکانی باخچەی ساوایان و بنەڕەتی و ئامادەیی هەیە، بەڵام پرۆسەی خوێندنی ئەم قۆناغانە کەوتووه‌تە ئەستۆی ته‌نیا 8 هەزار مامۆستا و فەرمانبەر کە بەراورد بە رێژەی خوێندکاران زۆر کەمە.

حەسیبە عەبدوڵـڵا، سەرۆکی لقی کەرکوکی یەکێتیی مامۆستایانی کوردستان، بەدواڕۆژی راگەیاند: "لەماوەکانی رابوردوودا لە رێگەی نوێنەرانی کوردەوە هەوڵی زۆرمان دا تا چارەسەری کێشەکانی خوێندنی کوردی بکەین بەتایبەت بۆ ئه‌وه‌ى هەلی دامەزراندن بۆ خوێندنی کوردی بڕەخسێنرێت، بەڵام بێ سوود بووە و کێشەکانیش بەهەڵپەسێردراوی ماونەتەوە و ژمارەی خوێندکارانی خوێندنی کوردییش ساڵانە لەزیادبوون و ژمارەی مامۆستاش لەکەمبووندایە".

وتیشی: "لەو دامەزراندنەی بۆ پەروەردەی کەرکوک هاتووە، هەر چەندە ئێستا بەهۆی کێشە و گرفتەوە دامەزاندنەکە وەستاوە، بەڵام  رێژەی کورد وەک پێویست لەبەرچاو نەگیراوە و پێشێلی مافی نەتەوەی کورد کراوە".

بەپێی زانیارییەکانی دواڕۆژ، چوار ساڵ لەمەوبەر 200 هەلی دامەزراندن بۆ خوێندنی کوردی رەخسا، دواى ئه‌وه‌ و تائێستا هیچ ده‌رفه‌تێكى دیکە نەڕەخساوە، ئەمەش وایکردووە گرفتەکانی  خوێندنی کوردی بەهەڵپەسێردراوی بمێننەوە.

پ: ل. م
بڵاوکردنەوە: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure