توركیا 41 جهێن شوونواری ل عه‌فرین ژناڤبرینه‌

هەواڵ / کوردستان :: 29/12/2019‌ :: 125‌ جار بینراوە

دواڕۆژ، بورهان یه‌حیا


رێكخراوه‌كا مافێ مرۆڤی ل رۆژئاڤا كوردستانێ راگه‌هاند؛ هێزێن توركیا و ملیشیاتێن سه‌ر ب وێڤه‌ نه‌بتنێ شوونواران ددزن به‌لكو 41 جهێن شوونواری ژناڤبرینه‌ و زیانێن مه‌زن گه‌هاندینه‌.

مسته‌فا شێخۆ ئه‌ندامێ رێكخراوا مافێ مرۆڤی عه‌فرین بۆ دواڕۆژ رۆهنكر:" ب گۆره‌ی پێزانینێن پشتراستكری ژ ئاكنجیێن ده‌ڤه‌رێن رۆژئاڤا كوردستانێ پشتی هێرشا هێزێن توركیا بۆ رۆژئاڤا كوردستانێ بتنێ دزیێن شوونواران نه‌كرینه‌ به‌لكو جهێن شوونواری خراب كرینه‌ یان زیانێن مه‌زن گه‌هاندینه‌ و یێن پێشچاڤ ژی شوونوارێن (خرابی ره‌هزا، كه‌نیسا عه‌لبه‌سكی، نه‌بی هۆری، مه‌زارگه‌هێن ئایینی یێن سنۆری ل عه‌فرین، گۆرستانێن كه‌سایه‌تیێن كورد وه‌كو نۆری دێرسمی و ... گه‌له‌ك جهێن دی)".

دیاركر" پتری 9 مه‌زارگه‌هـ هاتینه‌ ژناڤبرن كو پترییا وان دكه‌ڤنه‌ ده‌ڤه‌را شه‌را، پتری 12 گۆرستان كو باراپتر دكه‌ڤنه‌ ده‌ڤه‌را موباتا، چه‌ندین شوونوار ل گوندێن دێرین ل سنۆرێ جه‌نده‌ریس".

ناڤبۆری خویاكر:" پترییا كه‌نیسه‌یێن سنۆرێ رۆژئاڤا كوردستانێ ب تایبه‌ت عه‌فرین و سه‌رێكانی و گرێسپی زیانێن مه‌زن گه‌هشتینێ و ئاڤاهیێن دناڤا 400 گوندان ژی زیان گه‌هشتینێ".

ب گۆره‌ی ئامارێن رێكخراوا مافێن مرۆڤی عه‌فرین پتری 21 هزار پارچه‌یێن شوونواری یێن سنۆرێ عه‌فرین ژلایێ توركیا و ملیشیایێن سه‌ر ڤه‌ هاتینه‌ دزین. 



created by Avesta Group and powered by Microsoft Azure