دوایین زانیاری لەسەر کۆنگرەی یەکگرتوو

هەواڵ / کوردستان :: 28/12/2019‌ :: 408‌ جار بینراوە

دواڕۆژ، کۆچەرعەلی

وتەبێژی كۆنگرەی هەشتەمی یەكگرتووی ئیسلامی كوردستان رایدەگەیەنێت: چوار خاڵی بەرنامەی كۆنگرە پەسەندكراون لەوانەش پەیڕەوی ناوخۆ، هەموو هەوڵێكیش بۆ ئەوەیە یەكگرتوو لەو تەنگژەیەی هەیەتی دەرباز ببێت، دەشڵێت: "لە %17ی ئەندامانی کۆنگرە بە نەخێر دەنگیان بە پەیڕەو داوە".

ئەمڕۆ شەممە 28ی کانوونی یەکەمی 2019 لە شاری هەولێر یەكگرتووی ئیسلامی كوردستان هەشتەمین كۆنگرەی خۆی بەڕێوەدەبات و لە دوای بەڕێوەچوونی یەکەم دانیشتنی رۆژی یەکەمی کۆنگرەش بەهزاد دەروێش زێباری، وتەبێژی کۆنگرەی هەشتەمی یەكگرتووی ئیسلامی كوردستان لە كۆنگرەیەكی رۆژنامەوانیدا رایگەیاند: لە دانیشتنی یەكەمدا چوار خاڵ پەسەند كران لەوانەش:
1ـ متمانەدان بە لیژنەی بەڕێوەبردنی كۆنگرە.
2ـ متمانەدان بە وتەبێژی كۆنگرە.
3ـ متمانەدان و خوێندنەوەی راپۆرتی خولی حەوتی یەكگرتوو.
4ـ متمانەدان بە 16 كەس بۆ بەرپرسی مەڵبەندەكان بۆ سەركردایەتی بۆ ئەوە پێویستیان بە متمانەی كۆنگرە هەبوو بۆیە خرانە دەنگدانەوە.

وتیشی: "پەیڕەو و پڕۆگرام یەكێك بوو لە گرنگرترین خاڵەكانی کۆنگرە کە وەك دەستوری حیزبەكە پەسەند كرا و %83ی ئامادەبوان دەنگیان بە پەیڕەو دا و%17ش رەتیانكردەوە".

ئەوەشی وت: "پەیڕەو و پرۆگرامەکە بریتییە لە دیباجە و 28 مادەی سەرەكیی و 2 بەشی سەرەكیی لە پرۆگرام و پێناسە و بنەماكان و 19 ئامانجی سەرەكیی كە لە پەیڕەودا كۆنگرە و ئەمیندار و دەستەی باڵای چاودێری و ئەنجومەنی شورا و هەموو لایەنەكانی تیادا باسكراون". 
 
باسی لەوەشكرد: كە لە دانیشتنی دووەمدا كە لە هەمان  رۆژی یەكەمی كۆنگرەدا بەڕێوەدەچێت هەڵبژاردن بەڕێوەدەچێت بۆ ئەمینداری گشتی كە لە خوولی یەكەمدا 2 لەسەر سێی دەنگی ئەندامانی كۆنگرەی پێویستە، ئەگەر یەكلایی نەبووەوە ئەوكات بە زۆرینە بەڕێوەدەچێت. پێمانوایە پرۆسەی دەستنیشانی ئەمیندار كاتی زۆری پێنەچێت.

پ: چ.ع



created by Avesta Group and powered by Microsoft Azure