بومەلەرزەیەکی بەهێز لەم ناوچەیەی هەرێم روویدا

هەواڵ / کوردستانی :: 27/12/2019‌ :: 22744‌ جار بینراوە

دواڕۆژ، محەمەد مستەفا

پاشنیوەڕۆی ئەمڕۆ 27ی کانونی یەکەمی 2019 بومەلەرزەیەکی بەهێز لە دەڤەری راپەڕین روویدا.

پەیامنێرمان رایگەیاند: بومەلەرزەکە بەهێز بووە و هاووڵاتیان هەستیان پێ کردووە، هاوکات لەگەڵ بومەلەرزەکە دەنگێکی بەرز بیستراوە.

بەگوێرەی زانیارییەکانی ئاژانسی جیهانی بۆ بومەلەرزە و بورکان، بومەلەرزەکەی دەڤەری راپەڕین گوڕەکەی 3.2 پلەی رێختەر بووە و ناوەندی بومەلەرزەکە 10 کیلۆمەتر لە سەنتەری قەزای پشدەرەوە دوور بووە.

هاوکات هەر بەگوێرەی زانیاری ئاژانسەکە: بومەلەرزەکە لە قوڵایی 4 کیلۆمەترەوە بووە.

لەگەڵ بوومەلەرزەکە دەنگێکی بەهێز بیسترا ترسێکی زۆری لای هاووڵاتیانی دەڤەری راپەڕین دروستکرد، بەڵام بومەلەرزەکە هیچ زیانێکی گیانی و ماڵی لێنەکەوتووەتەوە.

پ: چ.ع



created by Avesta Group and powered by Microsoft Azure