دهۆك...نێزیكى 2000 په‌نابه‌ران ڤه‌گه‌ریان رۆژئاڤایێ كوردستانێ

هەواڵ / کوردستان :: 22/12/2019‌ :: 108‌ جار بینراوە

دواڕۆژ، دهۆك

به‌شێ په‌یوه‌ندیێن ده‌رگه‌هێ سێمالكا یێ ناڤبه‌را رۆژئاڤا و باشوورێ كوردستانێ راگه‌هاند، بۆ ده‌مێ زێده‌تر ژ مه‌هه‌كێ یه،‌ نێزیكى 2000 په‌نابه‌رێن رۆژئاڤا ژ باژارێ دهۆك ڤه‌گه‌ریاینه‌ رۆژئاڤایێ كوردستانێ.


باز ئه‌حمه‌د، ژ به‌شێ په‌یوه‌ندیێن ده‌ر‌گه‌هێ سێمالكا ل ئالیی رۆژئاڤایی كوردستانی بۆ دواڕۆژ گۆت: "زێده‌تر ژ مه‌هه‌كێ یه‌، 1800 په‌نابه‌رێن رۆژئاڤایێ كوردستانێ ژ كه‌مپا به‌رده‌ڕه‌ش ل پارێزگه‌ها دهۆك، ب رێیا ده‌رگه‌هێ سێمالكا ڤه‌گه‌ریایینه‌ رۆژئاڤایێ كوردستانێ".

ناڤبۆرى خوه‌یاكر: "بۆ ڤه‌گه‌ریانا رۆژئاڤایێ كوردستانێ، په‌نابه‌رێن رۆژئاڤا چۆ ئاریشه‌ ل ده‌رگه‌هێ سێمالكا نابن، رێڤه‌به‌رییا ده‌رگه‌هێ سێمالكا ل ئالیێ باشوور و رۆژئاڤایێ كوردستانێ گه‌له‌ك هاریكاریا په‌نابه‌ران دكه‌ن".

زه‌لالكر: "پترییا په‌نابه‌رێن قه‌ستا كه‌مپێن به‌رده‌ڕه‌ش كربوون، وه‌لاتیین باژاركێ سه‌رێكانیێ بوون، ده‌مێ ئه‌و ژ باشوور ڤه‌دگه‌رن، ل باژارێ حه‌سه‌كه‌ دمینن، چنكو ژبه‌ر له‌شكه‌رێ تركیا و گرۆپێن تیرۆرست نه‌شین ڤه‌گه‌رن  مالێن خوه‌".

پشتى له‌شكه‌رێ تركیا 9-ێ چڕیا پێشى یا ئه‌ڤ ساله‌، هێرش كریه‌ سه‌ر سه‌رێ كانیێ و گرێ سپى، نێزیكى 5هزار په‌نابه‌رێن وان ده‌ڤه‌ران قه‌ستا باشوورێ كوردستانێ كربوون و پترییا وان چۆبوونه‌ كه‌مپا به‌رده‌ڕه‌ش.

پ: چ.ع



created by Avesta Group and powered by Microsoft Azure