پترى 2000 خه‌لكێ عه‌فرینێ د زیندانان دانه‌

هەواڵ / کوردستان :: 21/12/2019‌ :: 115‌ جار بینراوە

دواڕۆژ، بورهان یه‌حیا

رێكخراوا مافێ مرۆڤى ل عه‌فرین راگه‌هاند؛ هه‌ر ل ده‌ستپێكا داگیركرنا عه‌فرین ژلایێ سۆپاى توركیا و میلیشایێن وێ هه‌تا نوكه‌ 2350 كه‌س د زیندانان دانه‌ و چ چاره‌نڤیسێ خۆ نزانن.


مسته‌فا شێخۆ، ئه‌ندامێ رێكخراوا مافێ مرۆڤى ل كوردستان بۆ دواڕۆژ خویاكر: "دگه‌ل هاتنا سۆپایێ توركیا بۆ عه‌فرین هه‌تا نوكه‌ 350 هزار كه‌س ئاواره‌ بووینه‌ و ب سه‌دان خێزانێن ئه‌ره‌ب یێن پارێزگه‌هێن دى بۆ عه‌فرین هاتینه‌ ڤه‌گوهاستن و مه‌ره‌م پێ گوهۆرینا دیمۆگرافیا ده‌ڤه‌رێن كوردستانى یه‌".

دیاركر: "سۆپایێ توركیا و میلیشیایێن وێ 4500 وه‌لاتیێن عه‌فرین ده‌ستگیر كرینه‌ و هه‌تا نوكه‌ ژى 2350 ژوان د زیندانان دا ماینه‌ و چ ژ چاره‌نڤیسێ خۆ نزانن و ئه‌ڤ كه‌سێن هه‌نێ د 9 زیندانان دا هاتینه‌ راگرتن و ژوان زیندانێن (مه‌عراته‌، راجۆ، سجۆ، راعى، كلس و ...) و ب سه‌دان نموونه‌یێن ره‌ڤاندنا وه‌لاتییان ژلایێ سه‌ربازێن نه‌نیاس ڤه‌ كو پترییا وان ملیشیایێن سه‌ر ب توركیانه‌ هاتینه‌ ئه‌نجامدان".

مسته‌فا شێخۆ راگه‌هاند: "چه‌ندین وه‌لاتى یێن كێمه‌ ئایین ونه‌ته‌وه‌یێن عه‌فرین ژبه‌ر بیروباوه‌رێن خۆ هاتینه‌ ئازاردان و جهێن په‌رستن و شوونوارى هاتینه‌ تێكدان و ب هزاران دار هاتینه‌ بڕین و ب هزاران دۆنه‌م زه‌ڤى ژى نه‌هاتینه‌ چاندن".

ب: شیروان شه‌ریف



created by Avesta Group and powered by Microsoft Azure