په‌رله‌مان دووڤچوونا پرۆژێ باله‌فڕگه‌ها دهۆك دكه‌ت

هەواڵ / کوردستان :: 19/12/2019‌ :: 149‌ جار بینراوە

دواڕۆژ، دهۆك

په‌رله‌مانێ كوردستانێ، نڤیساره‌ك ئاراسته‌ى جڤاتا وه‌زیرێن هه‌رێما كوردستانێ كریه‌ و داخواز كریه‌  دووڤچوونا پرۆژێ جێبه‌جێنه‌كریێ باله‌فڕگه‌ها نێڤده‌وله‌تى یا دهۆك بكه‌ن.

لدۆر ڤێ مژارێ، چییاى حه‌مید شه‌ریف، ئه‌ندامێ په‌رله‌مانێ كوردستانێ  بۆ دواڕۆژ گۆت: "لسه‌ر داخوازى و دووڤچوونا من، لیژنه‌یا (باژێرڤانى و ڤه‌گۆهاستن و گه‌هاندنێ و گه‌شتوگۆزار) ل په‌رله‌مانێ كوردستانێ، پشته‌ڤانیا دووڤچوونا من كریه‌ و 17-ێ ڤێ مه‌هێ، سه‌رۆكایه‌تییا په‌رله‌مانى ب فه‌رمى داخوزا به‌رسڤا جڤاتا وه‌زیران كریه‌".

ناڤبۆرى دازانین: "پیدڤییه‌ ده‌مێ دوو هه‌فتیێن بهێت جڤاتا وه‌زیران به‌رسڤا نڤیسارا په‌رله‌مانێ كوردستنێ بده‌ت و زه‌لال بكه‌ت ئه‌گه‌رێ جێبه‌جێنه‌كرنا پرۆژی باله‌فڕگه‌ها نێڤده‌وله‌تییا دهۆك چنه‌".

ڤى په‌رله‌مانتارى خوه‌یاكر: "جاره‌كادى لیژنه‌یا (باژێرڤانى و  ڤه‌گۆهاستن و گه‌هاندنێ و گه‌شتوگۆزار) یا په‌رله‌مانێ كوردستانێ دێ سه‌ره‌دانا پاریزگه‌ها دهۆك كه‌ت و دێ ژ نێزیك دووڤچوونا جێبه‌جێنه‌كرنا باله‌فڕگه‌ها دهۆك كه‌ت.

مه‌ها شوباتا 2013-ێ، پارێزگه‌ها دهۆك دگه‌ل كۆمپانییا (ماكویل) یا تركى رێككه‌ڤتنا چێكرنا باله‌فڕگه‌ها دهۆك ب كۆژمێ 443 ملیون دولاران لسه‌ر 20 كیلومه‌تر دووجاركى ئیمزاكربوو، لێ هه‌تا نوكه‌ بتنێ 7% ژپرۆژه‌ى هاتییه‌ جێبه‌جێكرن و پارێ پرۆژه‌ى نه‌دیاره‌.

پ: چ.ع



created by Avesta Group and powered by Microsoft Azure