بەهۆی تەقینەوەی ئۆتۆمبێلێک لە خۆرئاوای کوردستان 6 کەس بوونە قوربانی

هەواڵ / کوردستان :: 19/12/2019‌ :: 164‌ جار بینراوە

دواڕۆژ، رەڤەند گوهەرزی

پاشنیوەڕۆی ئەمڕۆ 19ی کانونی یەکەمی 2019 ئۆتۆمبێلێکی بۆمبڕێژکراو لە سەنتەری ناحیەی تل حەلەف لە سنووری قەزای سەرێکانی تەقیەوە، لەئەنجامدا دوو کەس گیانیان لە دەستدا و چواری دیکەش برینداربوون.


جودی گرێ سپی، لە خۆرئاوای کوردستان بەدواڕۆژی راگەیاند: "پاشنیوەڕۆی ئەمڕۆ ئۆتۆمبێلێکی بۆمبڕێژکراو لە سەنتەری ناحیەی تل حەلەف تەقیەوە".

وتیشی: "لەئەنجامی تەقینەوەی ئەو ئۆتۆمبێلە جیا لە زیانە مادییەکان ژن و منداڵێک گیانیان لە دەستدا و چوار کەسی  دیکەش بریندار بوون".

ئاماژەی بەوەشکرد: بەپێی زانیارییەکان ژمەرەیەک چەکداری سەر بە تورکیاش لەو تەقینەوەیەدا کوژراون.

پ: چ.ع



created by Avesta Group and powered by Microsoft Azure