تركیا 450 كورد بۆ هێرشه‌كا سه‌ر باشوورێ كوردستانێ ئاماده‌كرینه‌

هەواڵ / کوردستان :: 15/12/2019‌ :: 1517‌ جار بینراوە

دواڕۆژ، دهۆك


له‌شكه‌رێ تركیا بۆ ئاماده‌كاریێن هێرشه‌كا به‌رفره‌هـ ل دژی گه‌ریلایێن پارتیا كاركه‌رێن كوردستان (په‌كه‌كه‌) 450  كوردێن "جاشێن" ل باكوورێ كوردستانێ، هیناینه‌ سه‌ر سنوورێ هه‌رێما هه‌فته‌نین ل قه‌زا زاخۆ.


"جاش"ئه‌و چه‌كدارێن كورد یێن چه‌ك بۆ هاریكاریا له‌شكه‌رێ تركیا به‌رامبه‌ر مووچه‌ هه‌لگرتی كو تركیا وان چه‌كداران ب زێره‌ڤانێن گوندان ناسدكه‌ت به‌شه‌ك ژ كوردان ژی دبێژن وان كوردان "جاش". 

ژێده‌ره‌كی دناڤ وان "جاشان"دا نه‌ڤییا ناڤێ خوه‌ ئاشكه‌رابكه‌ت بۆ دواڕۆژ گۆت:"نێزیكی مه‌هه‌كێ یه‌، له‌شكه‌رێ تركیا ئاماده‌كاریێن مه‌زن بۆ هێرشا سه‌ر هه‌فته‌نین دكه‌ت و 450 چه‌كدارێن "جاش" ژ ئه‌شیره‌تێن (ژیركی- گۆیی) بۆ ڤێ هێرشێ ئاماده‌كرینه‌".

ڤی ژێده‌ری خوه‌یاكر:"نووكه‌، ئه‌و "جاش" ل ده‌ڤه‌رێن هۆدانه‌ و رووبۆسك، لسه‌ر سنووری هاتینه‌ بجهكرن و چاڤه‌رێنه‌ دگه‌ل له‌شكه‌رێ تركیا هێرش بكه‌ن گه‌ریلایێن (په‌كه‌كه‌) ل هه‌رێما هه‌فته‌نین".

لدۆر ڤێ مژارێ زاگرۆس چیا، فه‌رماندارێ(په‌كه‌كه‌) ل ده‌ڤه‌را دووسكییان بۆ دواڕۆژ گۆت:"گه‌له‌ك جاران مه‌ ئه‌و هێزێن "جاشان" ل باكوورێ كوردستانێ ئاگه‌هداركرینه‌ كو هاریكارییا له‌شكه‌رێ تركیا دژی گه‌ریلان نه‌كه‌ن، له‌ورا هه‌ر هێزه‌ك هێرشی هه‌فته‌نین بكه‌ت، ئه‌و ژ ده‌ستێن گه‌ریلان ناهێنه‌ پاراستن".

هه‌رێما هه‌فته‌نین، سه‌خترین ده‌ڤه‌را پارتیا كاركه‌رێن كوردستانێ بوویه‌، دكه‌ڤیته‌ ناڤبه‌را رووبارێن هیزل و خابوو ل سنوورێ قه‌زا زاخۆ، هه‌فته‌نین هه‌ڤسنووره‌ دگه‌ل باكوورێ كوردستانێ، سالا 1983-ێ تانووكه‌ تركیا نه‌شیایه‌ گه‌ریلایێن پارتیا كاركه‌رێن كوردستانێ ژ وێ هه‌رێمێ ده‌ربێخیت.



  • ڕۆژ
  • هەفتە
  • مانگ
created by Avesta Group and powered by Microsoft Azure