گروپێكی مافیا گەنجێكی كورد لە سوید دەكوژن

هەواڵ / کوردستان :: 14/12/2019‌ :: 572‌ جار بینراوە

دواڕۆژ، دهۆك
گه‌نجێ زاخۆیی رابین زه‌هدی بلێجانی، یێ ته‌مه‌ن 19 سال، 11-ێ ڤێ مه‌هێ، ل باژارێ یۆتۆبۆری ل وه‌لاتێ سوید هاتبوو كۆشتن، ناسكریه‌كێ ڤی گه‌نجی ژی خوه‌یاكر:"گرۆپێن مافییان ئه‌ڤ گه‌نجه‌ كوشتییه‌".

 ژێده‌رێ زانیاری لدۆر كوشتنا ڤی گه‌نجی داینه‌ دواڕۆژ گۆت:"ئه‌ڤ گه‌نجه‌ 2015-ێ، ل قه‌زا زاخۆ چۆ وه‌لاتێ سوید، دگه‌ل كه‌سێن بیانی ل ده‌ڤه‌را (لۆڤیه‌ردێت-یۆتۆبۆری) دژییا، ئه‌و قوتابی بوو و ده‌مێ ده‌لیڤه‌ هه‌با كارێ نه‌جاریێ دكر".

ناسكریێ ڤی گه‌نجی زه‌لاكر:"پۆلیسێن سوید كوشتنا رابین زه‌هید، پشتراستكریه‌ و ڤه‌كۆلینێن پۆلیسان بۆ ئه‌گه‌ر و چاوانیا كوشتنا ڤی گه‌نجی به‌رده‌وامن".
ڤی ژێده‌ری زێده‌تر ئینازمان:"هه‌ڤالێن رابین ئه‌و ئاگه‌هداركرییه‌ كو گرۆپێن مافییان ئه‌و گه‌نج ل دارستانه‌كا یۆتۆبۆری كۆشتییه‌ كو سالا 2017-ێ ژی گرۆپێن مافییان گه‌نجه‌كێ دی ل هه‌مان جهـ كوشتبوو".

لدووڤ زانیاریێن دواڕۆژ، بۆ وه‌رگرتنا جه‌نازه‌یێ رابین و هنارتنا وی بۆ قه‌زا زاخۆ، پسمام و كه‌سوكارێن وی، چووینه‌ وه‌لاتێ سوید، نووكه‌ جه‌نازه‌یێ رابین زه‌هدی ل نه‌خوه‌شخانه‌كا باژارێ یۆتۆبۆری یه‌.



  • ڕۆژ
  • هەفتە
  • مانگ
created by Avesta Group and powered by Microsoft Azure