هاووڵاتیەک به‌ رووداوێكى دڵته‌زێن گیانى له‌ده‌ستدا

هەواڵ / کوردستانی :: 12/12/2019‌ :: 5488‌ جار بینراوە

دواڕۆژ، محەمەد مستەفا


لە قەزای پشدەر لە کاتی هەڵکەندنی چاڵێک، شۆفێری حەفاریەک دەکەوێتە ژێر گڵ و گیان لە دەستدەدات.


شۆڕش ئیسماعیل، وتەبێژی پۆلیسی راپەڕین بە دواڕۆژی راگەیاند: "ئەمڕۆ پێنجشەممە 12ی کانونی یەکەم، لە گوندی بێکڵۆی قەزای پشدەر هاووڵاتیەک کە شوفێری ئامێری حەفارە بووە بەهۆی داڕمانی گڵی چاڵێک بەسەریدا دەست بەجێ گیانی لەدەستداوە".

وتیشی: "رووداوەکە لە کاتێکدا بووە کە قوربانیەکە بە کرێ چاڵێ بۆ هاووڵاتیەک هەڵکەندووە بە مەبەستی لێدانی کانیاو، دواتر ئەو هاووڵاتیە بە مەبەستی زانینی دەرکەوتنی ئاو چۆتە ناو چاڵەکە، بەڵام لەو کاتەدا چاڵەکە بەسەریدا داڕماوە".

وتەبێژی پۆلیسی راپەڕین باسی لەوەشکرد: "قوربانەیەکە تەمەنی 40 ساڵە و دانیشتووی قەڵادزێیە و تەرمەکەی لە لایەن پۆلیسی فریاکەوتنی پشدەر لە ژێر گڵەکە دەرهێنراوەتەوە". 


پ: ئا.ح



  • ڕۆژ
  • هەفتە
  • مانگ
created by Avesta Group and powered by Microsoft Azure