بۆ جارا ئێكێ نۆژداره‌كێ كورد باوه‌رنامه‌یه‌كا نێوده‌وله‌تی وه‌ردگریت

هەواڵ / کوردستان :: 10/12/2019‌ :: 94‌ جار بینراوە

دواڕۆژ، بورهان یه‌حیا


بۆ جارا ئێكێ ل سه‌ر ئاستێ هه‌رێمێ، نۆژداره‌كێ كورد یێ خه‌لكێ دهۆك تایبه‌تمه‌ندییا چاندنا مه‌ژیێ و راهێنه‌راتیێ د ڤی بواری دا ل وه‌لاتێ ئه‌مریكا وه‌رگرت.


حه‌مزه‌ محه‌مه‌د عه‌لی به‌رپرسێ راگه‌هاندنا رێڤه‌به‌رییا گشتییا ساخله‌میێ ل پارێزگه‌ها دهۆك، بۆ دواڕۆژ دیاركر:"پشتی راهێنانێ‌ ل نه‌خۆشخانه‌یه‌كا زانكۆیا جۆنز هۆبكنز یا ئه‌مریكی، بۆ جارا ئێكێ نۆژداره‌كێ‌ كورد، كو خه‌لكێ‌ پارێزگه‌ها دهۆكێ‌ یه‌، شیا باوه‌رنامه‌یا بۆردی‌ ب چاره‌سه‌ریا نه‌خۆشیێن په‌نجه‌شێرا خوینێ و چاندنا مه‌ژیێ‌ هه‌ستی ب ده‌ستڤه ‌بینیت".

حه‌مزه‌ محه‌مه‌د عه‌لی گۆت:"پشتی ئه‌ڤ نۆژداره‌ ب مه‌ره‌ما راهێنانێ ل وه‌لاتێ ئه‌مریكا ل نه‌خۆشخانه‌یه‌كا تایبه‌ت به‌رهه‌ڤ بووی، شیا ببیته ‌ئێكه‌م كورد كو باوه‌رنامه‌یا راهێنانێ ژی د ڤی بواری دا وه‌ردگریت".
نه‌خۆشخانه‌یا جۆبنز هۆبكنز ئێك ژ باشترین نه‌خۆشخانایانه‌ ل سه‌ر ئاستێ‌ جیهانێ‌ و بۆ ده‌مێ‌ 21 سالانه‌ ل دووڤ ئێك وه‌ك باشترین نه‌خۆشخانه‌ ل سه‌ر ئاستێ‌ ئه‌مریكا دهێته‌ ده‌ستنیشانكرن و 39 خه‌لاتێن نۆبل: كو دووماهی خه‌لات ل سالا 2019 بوویه‌، وه‌رگرتینه‌.

پ: ل. م

ب: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure