ده‌ست ب به‌لاڤكرنا گازێ بۆ سه‌ر كه‌مپێن ئاواره‌یان هاته‌كرن

هەواڵ / کوردستان :: 09/12/2019‌ :: 180‌ جار بینراوە

دواڕۆژ، بورهان یه‌حیا

بۆردێ كاروبارێن مرۆڤایه‌تی ل پارێزگه‌ها دهۆك ب رێیا وه‌زاره‌تا كۆچ و كۆچبه‌رێن ئیراقا فیدرال ده‌ست ب به‌لاڤكرما گازا سپی بۆ سه‌ر ئاواره‌یێن ناڤ كه‌مپێن پارێزگه‌ها دا كر.


سالم سه‌عید به‌رپرسێ راگه‌هاندنا بۆردێ كاروبارێن مرۆڤایه‌تی ل پارێزگه‌ها دهۆك بۆ دواڕۆژ دیاركر: ژبۆ پتر خۆشكرنا ره‌وش و ژیارا ئاواره‌یێن ل ناڤ كه‌مپان و گه‌هاندنا هاریكاریان و پێدڤیێن زڤستانێ، بۆردێ كاروبارێن مرۆڤایه‌تی BRHA ده‌ست ب پرۆسه‌یا به‌لاڤكرنا گازا سپی ل سه‌ر ئاواره‌یان كر كو ئه‌ڤه‌ دبیته‌ قۆناغا دووێ و هه‌ر خێزانه‌كا ئاواره‌ بۆ ڤێ قۆناغێ دێ 50 لتران وه‌رگرن.

خویاكر: بۆ ئێكه‌م جار پرۆسه‌ دێ ل كه‌مپا داودیێ ده‌ست پێكه‌ت و دێ یا به‌رده‌وام بت هه‌تا هه‌موو خیزانێن ناڤ كه‌مپان به‌هرا خۆ ژ گازێ وه‌ربگرن و رێژه‌ بۆ هه‌ر خێزانه‌كێ دگه‌هیته‌ 200 لتران و بێ به‌رامبه‌ره‌.

سالم سه‌عید خویاكر: ئه‌ڤ ساله‌ سیسته‌مێ به‌لاڤكرنا گازێ ل سه‌ر ئاواره‌یان ب دوو قۆناغان هاته‌ به‌لاڤكرن ل چریا ئێكێ ئه‌ڤ سال قۆناغا ئێكێ ده‌ستپێكر و هه‌ر خێزانه‌كێ 40 لته‌رێن گازێ وه‌رگرتن و دڤێ قۆناغێ دا دێ هه‌ر خێزانه‌ك 50 لتران وه‌رگریت و هێشتا دێ به‌رده‌وام بیت. 

ک. س



created by Avesta Group and powered by Microsoft Azure