گرنگترین هەواڵە ئابورییەکان

هەواڵ / ئابوری :: 09/12/2019‌ :: 184‌ جار بینراوە

تاگ :: ئابوری

دواڕۆژ

ئەلعەهد نیوز- جوتیارانی هیندستان داوای راوەستانی هاوردەی پیاز لەدەرەوەی وڵات دەکەن

کۆمەڵەی جوتیارانی هیندستان داوا لە حکومەتی فیدراڵی وڵاتەکەیان دەکەن، پێویستە پاشگەز ببێتەوە لەبڕیاری هاوردەکردنی پیاز لە میسر و تورکیا و ئەفغانستان، چونکە لە ئێستادا نزخی یەک کیلۆ بۆ 200 روپیە بەرزبووەتەوە و زیان بە ئابووری هیند و بەروبوومە ناوخۆییەکانی وڵات گەیاندووە.

ئەلعەهد نیوز- غەززە بەهۆی گەمارۆکانی ئیسرائیلەوە مانگانە 100 ملیۆن دۆلار زیانی بەردەکەوێت

جەمال ئەلخزری سەرۆکی لیژنەی میللیی بەرگریکردنی فەلەستین لە گەمارۆکانی ئیسرائیل ئاشکرایدەکات بەهۆی ئەو گەمارۆیانەی کراونەتە سەر کەرتی غەززە، زۆربەی کارگە و کۆمپانیاکانی لەکار کەوتوون و بەوهۆیەوە مانگانە بڕی 100 ملیۆن دۆلار زیانیان پێدەگات.


سەدا ئەلبەلەد- وەزیری دارایی فڕەنسا: ئامادەین هەڕەشەکانی ئەمریکا بگەیەنینە رێکخراوی بازرگانی جیهانی

بڕۆنۆ لۆمیر وەزیری دارایی فڕەنسا ئاشکرایدەکات، بەهۆی هەڕەشەکانی دۆناڵد ترامپ سەرۆکی ئەمریکا سەبارەت بەزیادکردنی باجی زیاتر لەسەر کاڵاکانی وڵاتەکەیان پەنا دەبەنە بەر دادگای نیودەوڵەتی و سکاڵاکەشیان بۆ رێکخراوی بازرگانی جیهانی بەرزدەکەنەوە.


سکای نیوز- ئەوروپا بە بەهای 98 ملیۆن یۆرۆ هاوکاری پەنابەرە سوورییەکانی لە ئوردون کردووە

حکومەتی ئوردون رایدەگەێنێت کە یەکێتی ئەوروپا بە بەهای 98 ملیۆن یۆرۆ یارمەتی و هاوکاری پەنابەرە سوورییەکانی لە ئوردون داوە و حکومەتی وڵاتەکەشی درێغی نەکردووە لە یارمەتیدانی ئەو ئاوارانە هەتا بێکەموکوڕی ژیان بەسەر ببەن.

وە: ئاکۆ زەنگەنە



  • ڕۆژ
  • هەفتە
  • مانگ
created by Avesta Group and powered by Microsoft Azure