چەند ئەفسەرێک بەهۆی تەقینەوەیەک لەکەرکوک سزادران

هەواڵ / کوردستانی :: 08/12/2019‌ :: 138‌ جار بینراوە

دواڕۆژ، عیماد جەباری

دوای تەقینەوەکەی گەڕەکی پەنجاعەلی شاری کەرکوک، بەتۆمەتی کەمتەرخەمی چەند ئەفسەرێک سزادران.

سەرچاوەیەک لەپۆلیسی کەرکوک ئەمڕۆ یەکشەممە 8ی کانوونی یەکەم، بەدواڕۆژی راگەیاند: دوای تەقینەوەکەی هەینی لە گەڕەکی پەنجاعەلی کە شەهیدبوونی پۆلیسێکی لێکەوتەوە، لیژنەیەک بۆ لێکۆڵینەوە لەو رووداوە پێکهێنرا.

وتیشی: "لیژنەکە دوای لێکۆڵینەوە لە رووداوەکە، بڕیاریدا بە سزادانی سێ ئەفسەری پۆلیسی فریاکەوتن بە زیندانیکردنیان بۆ ماوەی سێ رۆژ، بۆ ئەو مەبەستەش گواستراونەتەوە بۆ ئینزیباتیەی پۆلیس".

ئەوەشی خستەڕوو: کە ئەفسەرێکی دیکەی بەڕێوەبەرایەتییەکە بەپلەی عەقید کە بەرپرسی جموجۆڵە، بەهەمان شێوە بڕیاردراوە سێ رۆژ لەنێو پۆلیسی فریاکەوتن دەستبەسەر بێت بەهۆی کەمتەرخەمی لە بەرپرسیارێتییان.

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure