بەرەی عەرەبی لەکەرکوک هەڕەشە دەکات

هەواڵ / کوردستان :: 08/12/2019‌ :: 690‌ جار بینراوە

دواڕۆژ، عیماد جەباری

وەکو کاردانەوە بەرامبەر دەرکردنی فەرمانی دەستگیرکردن دژی سەرۆکەکەی، بەرەی عەرەبی یەکگرتوو لەکەرکوک هۆشداری دەدات لەتێکدانی ئاسایشی کۆمەڵایەتی شارەکە.


سەبارەت بەدەرکردنی فەرمانی دەستگیرکردن دژی وەسفی عاسی سەرۆکی بەرەی عەرەبی، نازم شمەری سەرکردە لەبەرەی عەرەبی یەکگرتوو لەکۆنگرەیەکی رۆژنامەوانیدا ئەمڕۆ یەکشەممە ٨ی کانونی یەکەم، رایگەیاند "ئەو لایەنانەی سکاڵایان دژی وەسفی عاسی تۆمارکردووە تۆمەتبارن بە ئەنجامدانی سەرپێچی و زیادەڕۆیی دژی پێکهاتەی عەرەبی لەداقوق، تازەخورماتوو و رەشاد هۆکارەکەشی بۆ ئەوە دەگەڕێتەوە کە ناوبراو هیچ لەماف و بەرگریکردن لەعەرەب بێ دەنگ نەبووە دژی هیچ لایەنێک".

وتیشی: "هۆشداری دەدەینە ئەو کەسانەی دەیانەوێت سەرکردەکانمان بکەنە ئامانج، کە ئەو کارەیان دەبێتەهۆی تێکچوونی ئاسایشی کۆمەڵایەتی و دروستبوونی ئاشوب بەتایبەت لەم دۆخە ئاڵۆزەدا کە عێراقی تێدایە".

ئاماژەی بۆ ئەوەشکرد کە ئەو هەنگاوە ساردیان ناکاتەوە لەدژایەتیکردنی گەندەڵکاران و بەمزووانەیش دۆسێ و گەندەڵی گەندەڵکارانی شارەکە بۆ رای گشتی دەخەنەڕوو.



  • ڕۆژ
  • هەفتە
  • مانگ
created by Avesta Group and powered by Microsoft Azure