دهۆك: چار پرتووكێن نوو ژ چاپێ ده‌ركه‌فتن

هەواڵ / که‌لتور :: 07/12/2019‌ :: 418‌ جار بینراوە

دواڕۆژ، بورهان یه‌حیا

پشتى خۆرتبوونا بزاڤا چاپا پرتووكان ل سنۆرێ پارێزگه‌ها دهۆك نوكه‌ 4 پرتووكێن نوو ژ چاپێ ده‌ركه‌فتینه‌ و نها ل پرتووكخانه‌یان به‌رده‌ستن.

ئه‌و چار پرتووكێن ده‌ركه‌فتین ژى ئه‌ڤه‌نه‌ (بنه‌مایێن زانستێ ئابوورى ژ وه‌رگێرانا خه‌لیل عه‌بدولغه‌فار، 50 وانه‌ بۆ ژیانێ ژ نڤێسینا عه‌لى تاهر، ئه‌ته‌كێت ژ نڤێسینا ریاز فه‌رزو، ما أصعب ألا أراك ژ نڤێسینا مه‌لیكه‌ مه‌زان).

خه‌لیل عه‌بدولغه‌فور وه‌رگێرێ پرتووكا بنه‌مایێن زانستێ ئابوورى بۆ دواڕۆژ دیاركر: "ئه‌ڤ پرتووكه‌ ژ نڤێسینا د. مه‌ھدى که‌ریم ئه‌لحسناوى یه‌ و ناڤه‌رۆكا وێ وان بیردۆز و قوتابخانه‌یان بخۆڤە دگریت یێن کو ئابوور ب شێوەیه‌کێ گشتی ل سەر دچیت و رێکا فێربوونا زانستێ ئابوورێ بۆ خویندکار و ڤەکۆلەر و وان کەسێن دڤێت ل زانستێ ئابوورێ شارەزاببن و ئاشنای بنەمایێن وێ ببن، ب ساناھی ئێخستی یە". 

دیاركر: "بەھرا پتریا وان بنەمایێن پێدڤی مرۆڤ تشتەکی ژی بزانیت ب شێوەکێ ب رێکوپێک د ڤێ پرتووکێ دا ھاتینە رێزکرن و بابەت ل سەر ئابوورا بەشەکی و ئابوورا گشتی، داخوازی و بەرچاڤکرن، دەستھه‌لاتێ تاکەکەسی و یێ گشتی یێ دەولەتێ ، بازار و بازارکاری و جۆرێن بازاری، سیستەمێ دراڤی و سیستەمێ بەنکی و چەندین بابەتێن دی ب تێر و تەسەلی تێدا ھاتینە بەحسکرن".

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure