بەڕێوەبەری پەروەردەی شارەزوور دەستی لەکارکێشایەوە

هەواڵ / کوردستان :: 05/12/2019‌ :: 3448‌ جار بینراوە

دواڕۆژ، عەلی حەمەسەعید

بەهۆی هەندێک حاڵەتی تایبەتی و گشتی، دوای نیوەڕۆی ئەمڕۆ پێنجشەممە بەڕێوەبەری پەروەردەی شارەزوور دەستی لە پۆستەکەی کێشایەوەو لەنامەی دەستلەکارکێشانەوەشیدا داوای لێبوردن دەکات.


خالید ڕەشید، بەڕێوەبەری دەستلەکارکێشاوەی پەروەردەی شارەزوور لەنامەی دەستلەکارکێشانەوەکەیدا کە وێنەیەکی بۆ دواڕۆژ ناردووە ئاماژەی بەوەکردووە "بەهاوڕێ و هاوپیشەکانم و هەموو لایەکی رادەگەیەنم کە لەبەرواری 5/12/2019 دەستم لەپۆستی بەڕێوەبەری پەروەردەی شارەزور کێشایەوە لەسەر داوای خۆم و دەگەڕێمەوە سەر پیشەی سەرپەرشتیاریی".

ئەوەشی خستوەتەڕوو، لەبەر هەندێك حاڵەتی تایبەت بەخۆم و هەندێك حاڵەتی گشتی، ئەو بڕیارەمداوە.

هەر لەنامەی دەستلەکارکێشانەوەکەیدا، بەڕێوەبەری پەروەردەی شارەزوور ئەوەشی نوسیوە "سوپاسی سەرجەم ئەو فەرمانبەرو سەرپەرشتیارو بەڕێوەبەرو یاریدەدەرو مامۆستاو کارمەندانه‌ دەکەم کە دڵسۆزانە ئەرکەکانی خۆیان بەجێهێناوەو هیوای بەختەوەریان بۆ دەخوازم، داوای لێبوردن لەهەر کەسێک دەکەم کە بەهۆی کاری ئیدارییەوە لێم دڵگران بووە".



  • ڕۆژ
  • هەفتە
  • مانگ
created by Avesta Group and powered by Microsoft Azure