ئەو كۆمپانیایەی پارەی ئاوی سلێمانی كۆدەكاتەوە سیستەمەكەیان وەستاوە

هەواڵ / کوردستان :: 7 رۆژ پێش ئێستا‌ :: 710‌ جار بینراوە

دواڕۆژ، پشتیوان جەمال

بەڕێوەبەرایەتی ئاوی سلێمانی رایدەگەیەنێت، ئەو كۆمپانیایەی پارەی ئاو لەهاوڵاتیان كۆدەكاتەوە هەفتەیەكە بەهۆی وەستانی سیستەمەكەیانەوە كار ناكەن، بەڵام هاوڵاتیان دەتوانن سەردانی بەڕێوەبەرایەتییەكەیان بكەن بۆ راییكردنی مامەڵەكانیان.


ئامانج جەلال، بەڕێوەبەری راگەیاندنی بەڕێوەبەرایەتی ئاوی سلێمانی ئەمڕۆ 3ی كانوونی یەكەمی 2019 بەدواڕۆژی راگەیاند: بەڕێوەبەرایەتییەكەیان مانی لەكاركردن نەگرتووە، بەڵكو ئەو كۆمپانیایەی پارەی ئاو لەهاوڵاتیان كۆدەكاتەوە هەفتەیەكە پارە كۆناكەنەوە ئەوەش بەهۆی وەستانی سیستەمەكەیان.

ناوبراو روونیكردەوە: بەڵام ئەو هاوڵاتیانەی مامەڵەیان هەیە و پێویستییان بەڕاییكردنی مامەڵەكانە، دەتوانن سەردانی بەڕێوەبەرایەتییەكەیان بكەن مامەڵەكانیان بۆ جێبەجێ دەكەن، بەڵام بەڵێننامەیان پێ پڕ دەكەنەوە كە هەر كاتێك سیستەمەكە كرایەوە پارەكە بدەن.

ک. س





created by Avesta Group and powered by Microsoft Azure