هەسەدە: دوای رێککەوتنەکە تورکیا ۲٠٠ جار ئاگربەستی شکاندووە

هەواڵ / کوردستان :: 7 رۆژ پێش ئێستا‌ :: 136‌ جار بینراوە

دواڕۆژ، هانا چۆمانی


وتەبێژی هەسەدە رایدەگەیەنێت: لەوکاتەی رێککەوتنی ئاگربەست لە ۱۷ تشرینی یەکەمی ۲٠۱۹ واژۆکراوە لەنێوان ئەمریکا و تورکیا، تاکوو ئێستا زیاتر لە ۲٠٠ جار تورکیا و چەتەکانی ئاگربەستیان شکاندووە و پێوەی پابەند نەبوون.

مستەفا بالی وتەبێژی هێزەکانی سوریای دیموکرات هەسەدە ئەمڕۆ سێشەممە ۳ی کانوونی یەکەمی ۲٠۱۹ بە دواڕۆژی راگەیاند: لە ۱۷ی تشرینی یەکەمی ۲٠۱۹ کاتێ رێککەوتن بۆ ئاگر بەست لەنێوان ئەمریکا و تورکیادا واژۆکرا، دەوڵەتی تورک و چەتەکرێگیراوەکانی خۆیان پابەند نەبوون و زیاتر لە ۲٠٠ جار ئاگربەستیا شکاندووە لەدەرەوە و ئەو ناوچانەیشی کە رێککەوتنیشی لەسەر کرابوو.

وتیشی: "ئەو ناوچەیەی کە ناوی لێنراوە ناوچەی ئارام، تورکیا سەدان پێشێلکاری کردووە و هاوکات تورکیا و چەتەکانیش بەجۆرەها شێواز و رێگا و بە بەکارهێنانی درۆن و تۆپی دورهاوێژ هێرشی کردوەتە سەر هێزەکانی هەسەدە و ئاگربەستی شکاندووە و بۆیە هەسەدە بێدەنگ نابێت و بەم زووانە هەڵوێستی نوێی دەبێت لەسەر ئەو کارانە، تورکیا سەرەڕای داگیرکار پاکتاوی نەژادیشی دەستپێکردوە لەرووی زمان و کولتور و هێنانی خەڵکی بێگانە بۆ ناوچەکە و نیشتەجێکردنی و گۆڕینی میکانیزمی خوێندن و ناوی کوردی و ناوی شوێنەکان".

پ: ک. س



created by Avesta Group and powered by Microsoft Azure