لە 11مانگدا 191 کۆڵبەر بوونەتە قوربانی

هەواڵ / کوردستان :: پێش 1 هەفتە ‌ :: 144‌ جار بینراوە

دواڕۆژ، ئاکۆ حەمەد رابی

ئەندامێکی کۆمەڵەی مافی مرۆڤی کوردستان رایگەیاند: لەماوەی یازدە مانگی ڕابروودا 191کۆڵبەر لە ڕۆژهەڵاتی کوردستان بوونەتە قوربانی.

عەدنان رەشیدی ئەندامی کۆمەڵەی مافی مرۆڤی کوردستان ئەمڕۆ دووشەممە بەدواڕۆژی وت: "لە سەرەتای ئەمساڵەوە تاکو ئەمڕۆ چوارشەممە 191کۆڵبەر لە ناوچە سنورییەکانی نێوان باشور، ڕۆژهەڵات و باکوری کوردستان بوونەتە قوربانی و لە نێویاندا 62کۆڵبەریان گیانیان لەدەستداوە و 129کۆڵبەریش بریندار و کەم ئەندام بوونە.

ئاماژەی بەوەشدا: کۆڵبەرەکان بەهۆی تەقەی ڕاستەوخۆی هێزە ئەمنیەکانی ئێران و ڕووداوە سروشتیەکان و پێدا تەقینەوەی مین گیانیان بوونەتە قوربانی.

رەشیدی ڕونیشیکردەوە: هەموو کۆڵبەرەکان کە لەو ماوەیەدا بوونەتە قوربانی خەڵکی ڕۆژهەڵاتی کوردستان بوونە.

 

ک. س



created by Avesta Group and powered by Microsoft Azure