دەستگیركردنی پەنابەران لە تورکیا بەردەوامە

هەواڵ / کوردستان :: پێش 1 هەفتە ‌ :: 244‌ جار بینراوە

دواڕۆژ، زریان محەمەد


فیدراسیۆنی پەنابەرانی عێراق، رایدەگەیەنێت "لە وڵاتی تورکیا دەستگیرکردنی پەنابەران درێژەی هەیە".


هیوا خدر ئه‌ندامی فیدراسیۆنی سه‌راسه‌ریی په‌نابه‌رانی عێراق، لە تورکیا بە دواڕۆژی وت:"پۆلیسی تورکیا بەچڕیی دەستیکردووە بە گرتنی ئەو پەنابەرانەی روودەکەنە توركیا".


 هیوا خدر دەڵێت:"لە ٣٠/١١/٢٠١٩وە لە ناوچەی چەشمە-ی سەر بەشاری ئەزمیر، ١١١ پەنابەر دەستگیرکراون کە پێکهاتبوون لە (١٠٥ ئەفغانی و ٥ فەلەستینی و ١ سوری) و لەماوەی تەنیا ١٠ رۆژی نێوان ١٨ تا ٢٨/١١ لە ناوچەکانی ئای ڤاچەک و ئیزنی سەر بە شاری چانکاڵێ هەزار و 93 پەنابەر دەستگیرکراون، لەو ژمارەیەیش ١٢ سوریی رادەستی رێکخراوی نەتەوە یەکگرتوەکان کراون بۆ بەدەستهێنانی مافی پەنابەرێتی نێودەوڵەتی. لە ٢٩/٣٠یش لە ناوچەی کۆشادشی سەر بە شاری ئایدن ١١١ پەنابەر دەستگیرکراون کە منداڵی تازە لەدایکبوویشیان تێدابوو و بریتین لە خەڵکی وڵاتانی (کۆنگۆ، ناوەڕاستی ئەفریقا، سوریا، سۆدان، سنیگال، ئەفغانستان، پاکستان و فەڵەستین)، لە ٣٠/١١ هەر لە ناوچەی دیدمی سەر بە شاری ئایدن ٥٧ پەنابەری سوریی دەستگیرکراون کە ژن و منداڵیشیان تێدایە. لە ناوچەی بۆدرومی سەر بە شاری مۆغڵا-یش لە ٣٠/١١دا پۆلیس ٤٩ پەنابەری دەستگیرکرد کە پێکهاتبوون لە (20پیاو و ١٥ژن و ١٤منداڵ) هەروەها لەو ژمارەیە ٢٩ پەنابەریان خەڵکی سوریا بوون و ١٢ پەنابەریشیان خەڵکی باشووری ئەفریقا و ٣ پەنابەریشیان ئەفغانی  و٣ فەڵەستینی و دوو یەمەنی بوون. لە شاری ئەدرنا-یش تەنیا لەماوەی پێنچ رۆژدا (٧٣٣) پەنابەر دەستگیرکراون كە خەڵکی وڵاتانی (لیبیا، ئەفغانستان، میسر، پاکستان، سوریا، فەلەستین، بەنگلادیش، سۆماڵ، مەغریب و جەزائیر) بوون".
 
پ: ل. م 
ب: ک. س



created by Avesta Group and powered by Microsoft Azure