دهۆك: 6 كه‌س ب نه‌خۆشییا ئایدزێ هاتینه‌ تۆماركرن

هەواڵ / کوردستان :: 01/12/2019‌ :: 122‌ جار بینراوە

دواڕۆژ، بورهان یه‌حیا

رێڤه‌به‌رییا گشتییا ساخله‌مییا پارێزگه‌ها دهۆك راگه‌هاند؛ هه‌تا نوكه‌ 6 حاله‌تێن نه‌خۆشییا ئایدزێ ل سنۆرێ پارێزگه‌هێ هاتینه‌ تۆماركرن و چاره‌سه‌ریێن پێدڤى وه‌ردگرن.

د. فه‌رهاد ئێسماعیل به‌رپرسێ به‌شێ كونترۆلكرنا نه‌خۆشیێن ئایدز و زاینده‌یى ل رێڤه‌به‌رییا كاروبارێن خۆپاراستنا ساخله‌میێ بۆ دواڕۆژ دیاركر: "ب شێوه‌یه‌كێ گشتى ل سنۆرێ پارێزگه‌هێ 6 حاله‌تێن تووشبوویێن نه‌خۆشییا ئایدزێ هاتینه‌ تۆماركرن كو 3 ژوان ژن و 3 زه‌لامن و ب به‌رده‌وامى چاره‌سه‌ریێن پێدڤى بۆ دهێنه‌دان و چ مه‌ترسیێن گران ل سه‌ر وان نینه‌ و داخواز ژ هه‌موو كه‌سه‌كى دكه‌ین كو گومان ل سه‌ر خۆ هه‌یه‌ بلا پشكنینا بۆ خۆ چێكه‌ت داكو هه‌ر زوو چاره‌سه‌ریێن پێدڤى بۆ بهێنه‌كرن".

ناڤبۆرى دیاركر: "رێیا خۆپاراستن ژ ڤێ نه‌خۆشیێ ڤاكسینه‌ لێ هه‌تا نوكه‌ ئه‌ڤ ڤاكسینه‌ نینه‌ له‌وا رێیا سه‌ره‌كى بۆ خۆپاراستنێ ره‌وشه‌نبیركرنا خه‌لكى یه‌ و هنده‌ك جۆرێن ده‌رمانان هه‌نه‌ كو به‌رى ئه‌نجامدانا كریارا سێكسى دهێنه‌ بكارئینان بۆ هندێ ئه‌ڤ ڤایرۆسه‌ ژ كه‌سێ تووشبوویى بۆ كه‌سه‌كێ دى نه‌هێته‌ ڤه‌گوهاستن".

هه‌تا نوكه‌ ل سه‌ر ئاستێ جیهانێ 35 ملیۆن كه‌سان ژبه‌ر تووشبوون ب نه‌خۆشییا ئایدزێ گیانێ خۆ ژده‌ست داینه‌.

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure