ل پارێزگه‌ها دهۆك بهایێ ئه‌مپێرا موه‌لیده‌ى هاته‌ راگه‌هاندن

هەواڵ / کوردستان :: 01/12/2019‌ :: 378‌ جار بینراوە

تاگ :: کارەبا

دواڕۆژ، بورهان یه‌حیا

لژنه‌یا بالا یێ موه‌لیده‌یان ل پارێزگه‌ها دهۆك راگه‌هاند؛ بهایێ ئێك ئه‌مپێرا موه‌لیده‌ى بۆ مه‌ها تشرینا دووێ دێ 9500 دینار بیت.


لژنه‌یا بالا یێ موه‌لیده‌یان ل پارێزگه‌ها دهۆك راگه‌هاندنه‌كێ دا دیاركر: "پشتى هه‌موو لایه‌نێن په‌یوه‌ندیدار ژ رێڤه‌به‌رییا كاره‌بێ، لژنا موه‌لیده‌یان و نوونه‌رێ خودانێن موه‌لیده‌یان و نوونه‌رێ رێكخراوێن جڤاكێ سڤیل گه‌نگه‌شه‌ ل دۆر ده‌مژمێرێن كاركرنا موه‌لیده‌یان كرین بڕیار هاته‌دان بۆ مه‌ها تشرینا دووێ ئانكو مه‌ها یازده‌ بهایێ ئێك ئه‌مپێرا موه‌لیده‌ى ل سه‌نته‌رێن باژێڕێن دهۆك، سێمێل و زاخۆ دێ 9500 دیناران بیت".

دیاركر: "ل شوقه‌یێن نیۆ زاخۆ دێ ب 10000 دیناران و سه‌نته‌رێ به‌رده‌ره‌ش 9250  دینار و ل ناحیا رۆڤیا و ده‌ورۆبه‌رێن وێ ژى 5500 دینار و ل كه‌مپا گه‌ویلان 8250 دینار و ل سه‌نته‌رێ ده‌ڤه‌ردارییا شێخان 9500 دینار".

زێده‌تر هاتییه‌: "ل ده‌ڤه‌ردارییا ئامێدیێ 9250 دینار و ل دێره‌لۆك 9500 دینار و ل گوندێن ده‌ورۆبه‌رێن مانگێشك 7250 دینار و ناوچا ئه‌لقۆش ل سه‌نته‌رێ باژێڕی  7750 دینار و ناوچا ئه‌لقۆش ده‌ورۆبه‌ران 5750 دینار".

لژنه‌یا بالا یێ موه‌لیده‌یان ل پارێزگه‌ها دهۆك راگه‌هاند: "بەرنامه‌یێ‌ كاركرنا موەلیده‌یان ل سەرانسەری ده‌ڤه‌رداریێن دهۆك،زاخۆ و سێمێل بۆ مه‌ها (كانوونا ئێكێ – مه‌ها 12/2019 ) دێ (24) دەمژمێران بیت و ل جهێن دى كارگێرییا خۆجهى دێ بڕیارێ ل سه‌ر ڤێ چه‌ندێ ده‌ن".



created by Avesta Group and powered by Microsoft Azure