کەرکوک چووە پاڵ بەغدا و پارێزگاکانی باشور

هەواڵ / کوردستان :: 01/12/2019‌ :: 1251‌ جار بینراوە

دواڕۆژ، عیماد جەباری

بەمەبەستی دەربڕینی هاوخەمی بۆ قوربانیانی بەغدا و پارێزگاکانی باشور، لەچەند شوێنێکی کەرکوک ماتەمگێڕی و گردبوونەوەی ناڕەزایەتی رێکخرا.

پەیامنێرمان لەکەرکوکەوە رایگەیاند "خوێندکارانی زانکۆی کەرکوک بەمەبەستی هاوخەمی بۆ قوربانیانی خۆپیشاندانەکانی بەغدا جلی رەشیان پۆشیوە و بۆ چەند خولەکێک لەنێو زانکۆدا ماتەمینییان راگەیاند و نەچوونە هۆڵەکانی خوێندنیشەوە".

لەگەڕەکە عەرەبنشینەکانیش لەنێو خوێندنگەکان بۆ چەند خولەکێک رێز لەقوربانیانی خۆپیشاندانەکە گیرا و ژمارەیەک لەخوێندکارانیش لەگەڕەکی گۆڕەپانی ئاهەنگەکان هاتنە سەر شەقام، بەڵام هەر زوو هێزە ئەمنییەکان بڵاوەیان پێکردن.

لەبەردەم بینای پارێزگایش، زیاتر لە ١٥٠ هاوڵاتی گردبونەوەیەکیان ئەنجامدا وەکو پاڵپشتی لەداواکاری خۆپیشاندەرانی بەغدا، بەڵام لەلایەن هێزە ئەمنییەکانەوە چواردەوریان گیراوەو رێوشوێنی توندیش گیراوەتەبەر.



  • ڕۆژ
  • هەفتە
  • مانگ
created by Avesta Group and powered by Microsoft Azure