بۆچی هیچ نیشانەیەكی موجاهیدینی خەڵك لەم رووداوانەی ئێستای ئێراندا نابینرێت؟

هەواڵ / ڕاپۆرت :: پێش 3 هەفتە ‌ :: 888‌ جار بینراوە

تاگ :: ئێران

نووسینی: ئەكبەر گەنجی
ئامادەكردن و وەرگێڕانی: دواڕۆژ

رێكخراوی موجاهیدینی خەڵك رێكخراوترین گروپی دوژمنی كۆماری ئیسلامییە لە سیستمی تۆتالیتار و پۆڵاینی. بەجۆرێك كە پاش تێپەڕبوونی چەندین ساڵ هیچ ئەندامێكی ئەو رێكخراوە یەك وشە ناڵێت لەسەر چارەنووسی مەسعودی رەجەوی. ئەم رێكخراوە ئەزموونێكی گەورەی هەیە بۆ دزەكردنی ناو پایەكانی كۆماری ئیسلامی و ئەنجامدانی كردەوەی سەربازی و تیرۆركردن و سیخوڕی و هاوپەیمانیكردن لەگەڵ سەدامدا دژی ئێران.

 
هەر كردەوەیەكی ناڕەزایەتی لە ئێران رووبدات دژی حكومەتی كۆماری ئیسلامی، سەركردەكانی ئۆپۆزسیۆن لە دەرەوەی وڵات هەوڵدەدەن بە جۆرێك لە جۆرەكان سوود لەو رووداوانە وەربگرن و خۆیان بكەن بە خاوەنیان.
 بۆ نموونە لایەنگرانی رژێمی شاهنشای وای رادەگەیەنن كە دەستیان هەبووە لە رووداوەكانی ساڵانی رابردوودا.
 ئایا رێكخراوی موجاهیدینی خەڵك  هیچ رۆڵ و ئامادەبوونێكیان لەم ناڕەزایەتییانەدا نەبووە و هیچ هەڵوێستێكیان بەرامبەر ئەو رووداوانە نییە؟ یاخود رێكخراوەكە هێندە بێ فیز بووە كە باسی كاریگەری خۆیان نەكەن بۆئەوەی نەبێت بەخۆهەڵكێشان؟ یاخود لە خۆپیشاندانەكاندا هیچ نیشانەیەك دەرناخەن و تەنیا و تەنیا بۆ خاتری خوا ئەم كارە دەكەن؟

گومانی تێدا نییە ئەو هێزانەی كە لەلایەن موجاهیدینی خەڵكەوە رێكخراون بەشدارییان هەبووە لەم بزووتنەوە جەماوەرییەی دوایدا. بەڵام خۆیان زۆر باش دەزانن كە ئەگەر دروشمی رێكخراوەكەیان بڵێنەوە یان نیشانەیەك لە نیشانەكانی موجاهیدین ئاشكرا بكەن، پێش هەموو كەس لە لایەن خەڵكەكەوە رسوا دەكرێن موجاهیدین خاوەنی ناوبانگێكی هێندە خراپن كە ناتوانن خۆیان نیشان بدەن. لێرەدا پرسیارێكی گرنگ دێتە پێشەوە كە ئایا موجاهیدین لەم بزووتنەوە ناڕەواییەی دوایدا چ سوودێكی پێ گەیشتووە بە تایبەت كە ئەو لەگەڵ ئەمریكا و ئیسرائیل و سعودییە و كێ و كێدا چەندین جار كاری هاوبەشی كردووە و دەیكات؟ 

هێزەكانی ئەم رێكخراوە كە لە ناوچە جیاجیاكانی ئێراندا هەن لەو خۆپیشاندان و رووداوانەدا چییان كردووە و هەوڵیانداوە بزووتنەوەی خەڵكەكە بە چ ئاڕاستە و لایەكدا ببەن. گومانی تێدا نییە موجاهیدینی خەڵك هەرگیز دژی جەنگ و تیرۆر و زەبر و زەنگ نەبووە بەڵكو بە شێوەیەكی بەربڵاو هەموو ئەو رێكارانەی بەكارهێناوە. 
لێدوانەكەی پێشووی مەسعودی رەجەوی زۆر راشكاوانە دەڵێت كە تەنیا لە ماوەی 1 ساڵدا زیاتر لە دوو هەزار كەسیان لە هێز و لایەنگرانی كۆماری ئیسلامی تیرۆركردووە. بەپێی راپۆرتە فەرمییەكان ئەم رێكخراوە لە جەنگەكەی سەدام حسێن دژی ئێران نزیكەی 96 هەزار سەربازی ئێرانی كوشتووە. رێكخراوێك ئەمە پێشینەكەی بێت مانای وایە ئەزموونی زۆری هەیە لە چۆنییەتی سوود وەرگرتن لە توندوتیژی. ئایا هێزەكانی موجاهیدینی خەڵك لە ناڕەزایەتییەكانی چەند رۆژی رابردووی خەڵكی ئێران دژی كۆماری ئیسلامی چیان كردووە؟

وەڵامی ئەم پرسیارە ئایندەی هەموو دیموكراسی خوازەكان لەگەڵ (هیرۆینی زەبروزەنگ)دا رووناك دەكاتەوە. خەڵكی ئێران بە راستی دژی كۆماری ئیسلامی دەستیان داوەتە خۆپیشاندانی ئاشتی خوازانە و داواكارن گۆڕانكاری بناغەیی ئەنجام بدرێت، بەڵام پێویستە ببینین چ كەس و چ گروپێك هەوڵدەدەن ئەم بزووتنەوە جەماوەرییە بە ژەهری توندوتیژی پیس بكەن. كەسێك كە ئاوا ئامانجەكەی بەدیهێنانی كۆمارێكی دیموكراتخوازی پابەند بە ئازادی و دادپەروەری و مافەكانی مرۆڤەوە بێت زۆر باش دەزانێت كە توندووتیژی و تیرۆر و سووتاندنی شوێنە گشتییەكان و دزینی ماڵی میللەت ناتوانن بگەنە ئەو ئامانجە جوانانە.

 لە راستیدا ئەم كردەوانە ئەگەر فراوان ببن دەتوانن ئێران پەلكێش بكەن بۆ ناو زەلكاوی جەنگی ناوخۆ و لەتوپەت بوونی ئێران. ئەگەر شكستیش بخۆن ئەوا كۆماری ئیسلامی بوارەكان تەسكتر دەكاتەوە بە رووی میللەتدا.

گریمان نەخۆشێك بۆ چارەسەركردنی ئازارە جەستەیی و دەروونییەكانی خۆی سەردانی پزیشكێك دەكات و پێی دەڵێت من بۆ چارەسەری نەخۆشییەكەم هیرۆین بەكاردەهێنم و تا ئێستا كاریگەر بووە. پزیشكەكە لە رووی بەرپرسیارییەتی و رەوشتی پیشەییەوە پێی دەڵێت ئەو هیرۆینە دەتكوژێت. رەوشتی پزیشكی بەرپرسیارییەتی مرۆیی ئەو رێگەی پێ نادات هیرۆین بۆ نەخۆشەكەی بنوسێت یان بۆ رزگاربوونی یەكجارەكی لە ئێش و ئازار ژەهری بۆ بنووسێت.

توندوتیژیی هیرۆین و ژەهرە، ئایا كەسانی دیموكراتخواز و ئاشتی پەروەر دەبێت پەنا ببەنە بە توندوتیژی و كاری تێكدەرانە. ئێمە لەم سەردەم و رۆژگارەی ئێستاماندا پێویستمان بە رابەرانی وەك گاندی و مارتیم و لۆسەركینگ و دایكە تێریزایە خەباتی نا توندووتیژ هەم زۆر بە چاكی بووەتە بەرنامەی خەبات و هەم ئەزموونێكی جوانی بە یادگار لە كۆمەڵگا جۆراوجۆرەكاندا بەجێهێشتووە.

پ: ک. س



created by Avesta Group and powered by Microsoft Azure