تاران هۆشداریی دەدات

هەواڵ / جیهان :: پێش 3 هەفتە ‌ :: 348‌ جار بینراوە

دواڕۆژ، ئازوو محەمەد


وەك كاردانەوەیەك بەرامبەر پشتگیریەكانی مایك پۆمپیۆ وەزیری دەرەوەی ئەمریكا لە خۆپیشاندانەكانی ئێران، وەزیری دەرەوەی ئێران دەڵێت:"خۆپیشاندانی یاسایی و ئارام، یەكێك لە مادە و خاڵەكانی یاسانامەی بنەڕەتیی كۆماری ئیسلامیە و مافی رەوای هاووڵاتیانی ئێرانە، بۆیە پێویست بە بیرهێنانەوە و پاڵپشتیی وڵاتانی دوژمن و نەیاری وڵاتەكەمان، ناكات".

محەمەد جەواد زەریف وەزیری دەرەوەی ئێران وتی:"هۆشداریی دەدەینە ئەو وڵاتانەی لە بەرامبەر  سزاكانی سەرمان و تیرۆریزمی ئابووری هیچ كاردانەوە و هێز و دەسەڵاتێكیان نەنواند و ئێستا بۆ شاردنەوەی كەمتەرخەمییەكانیان پاڵپشتی لە گرژی و ئاڵوزییەكانی وڵاتەكەمان دەكەن، ئەم كردەوە و پاڵپشتیانە بێ وەڵامدانەوە نابن". 

ئەمریكا و ئەڵمانیا و فڕەنسا، پشتیوانیی خۆیان لە خۆپیشاندانەكانی ئێران دەربڕیوە و ئیدانەی هەڵوێستەكانی تاران بەرامبەر بە خۆپیشاندەران دەكەن.

پ: ل. م 

ب: ک. س



created by Avesta Group and powered by Microsoft Azure