ژنان.. ژیانی هونەریی ئاری بابان دادەپۆشن

هەواڵ / که‌لتور :: پێش 3 هەفتە ‌ :: 169‌ جار بینراوە

دواڕۆژ، پشتیوان جەمال

هونەرمەند ئاری بابان لەنوێترین پێشانگایدا شێوەی ژیانی ژنانی كوردی باسكردووە و خاوەنی پێشانگاكەش دەڵێت، ئاری بابان بەگشتییەكەی ژنی گەورەتر كردووە، لەیەكەم تا كۆتا تابلۆ دەستە باڵا یان باڵا بەرزیی، خۆشەویستییە بۆ ژیان و كەسایەتییەكان، خۆشەویستی براوەی ژیانە.


پاشنیوەڕۆی ئەمڕۆ لە هۆڵی مۆزەخانەی سلێمانی ناوەندی حەوت رەنگە بەهاوكاری بەڕێوەبەرایەتی هونەری شێوەكاری سلێمانی 11یەمین پێشانگای تایبەتی هونەرمەند ئاری بابانی كردەوە، بەڵام ناوبراو بەهۆی باری تەندروستییەوە نەیدەتوانی قسە بۆ میدیاكان بكات.

بەختیار سەعید، خاوەنی ناوەندی حەوت رەنگە بەدواڕۆژی راگەیاند: لەم پێشانگایەدا 21 تابلۆ نمایشكراوە و ستایڵی ئاری بابان ناسراوە پێی دەوترێت سیریالی سیحری و تەنها بابان بەمشێوەیە لەسەر ئاستی كوردستان كار دەكات، لەتابلۆكاندا خۆشەویستی ژیان بەدیدەكرێت، لەجەستەی كەس و دارەكان زیادەڕۆیی لەباڵا و جۆری لەشەكاندا هەیە.

لەتابلۆكاندا ژن گرنگی زیاتری پێدرابوو، لەو بارەیەوە بەختیار وتی :"هەمووان دەزانین ژیانی ئافرەت لەڕۆژهەڵاتی ناوەڕاست لەڕووی ئاینی و كۆمەڵایەتییەوە چۆنە، ئەویش هاتووە ئەو ژیانەی خستۆتە نێو چەند تابلۆیەكەوە، بەڵام بەگشتییەكەی ژنی گەورەتر كردووە، لەیەكەم تا كۆتا تابلۆ دەستە باڵا یان باڵا بەرزیی، خۆشەویستییە بۆ ژیان و كەسایەتییەكان، خۆشەویستی برەوەی ژیانە".

 

ک. س



created by Avesta Group and powered by Microsoft Azure