٢١ەمین پێشانگای نێودەوڵەتی بۆ کشتوکاڵی دەکرێتەوە

هەواڵ / کوردستان :: پێش 3 هەفتە ‌ :: 190‌ جار بینراوە

دواڕۆژ، بڕیار محەمەد

بڕیارە سبەی چوارشەممە، ٢١ەمین پێشانگای نێودەوڵەتی بۆ بەرووبووم و ئامێرەکانی کشتوکاڵی دەکرێتەوە کە تیایدا زیاتر لە ١٥٠ کۆمپانیا لە ١١ وڵاتی جیاوازەوە بەشدار دەبن و ماوەی چوار رۆژ دەخایەنێت.

(ئەمڕۆ 19ی تشرینی دووەمی 2019) سۆران قادر بەڕێوەبەری پێشانگای نێودەوڵەتی هەولێر، ڕایگەیاند: سبەی بیست و یەکەمین پێشانگای نێودەوڵەتی بۆ بەرووبووم و ئامێرەکانی کشتوکاڵ دەکرێتەوە کە تیایدا زیاتر لە ١٥٠ کۆمپانیا لە ١١ وڵاتی جیاوازەوە بەشدارن".

وتیشی : "زۆرترین کۆمپانیای بەشداربوو، وڵاتی تورکیایە کە نزیکەی ٧٠ کۆمپانیای تورکی بەشدارن، ئەمەش کاریگەری ئەرێنی لەسەر ئاڵوگۆڕی بازرگانی دەبێت".

پێشانگاکە ماوەی چوار رۆژ دەخایەنێت کە تیایدا هەریەک لە کۆمپانیاکانی وڵاتانی، عێراق، تورکیا، رووسیا، هۆڵەندا، مۆڵدۆڤیا، ئیتاڵیا، ئێران، میسر، بەلجیکا، ئازەربایجان و جەزائیر بەشدارن.

ک. س



created by Avesta Group and powered by Microsoft Azure